شدید بارش اور برفباری میں پاک فوج کا شاہراہ قراقرم پر ریسکیو آپریشن

سلمان علی اعوان

21st Feb, 2024. 10:40 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شدید بارش اور برفباری میں پاک فوج کا شاہراہ قراقرم پر ریسکیو آپریشن

شدید بارش اور برفباری میں پاک فوج کا شاہراہ قراقرم پر ریسکیو آپریشن جاری ہے۔

گزشتہ روز شدید بارش اور برفباری کے باعث شاہراہ قراقرم کے 9 مختلف مقامات پر متعدد روڈ بلاک ہو گئے، جس کے نتیجے میں شہریوں کو شدید مشکلات کا سامنا کرنا پڑ رہا ہے۔

لینڈ سلائیڈنگ اور چٹانوں کے گرنے کے نتیجے میں تقریباً 1055 مسافروں کو لے کر آنے والی 95 گاڑیاں (بسیں، ہائیس اور کاریں) آر کے کے ایچ میں پھنس گئیں۔

پاک فوج کی جانب سے ریسکیو آپریشن کے دوران ڈیم سائٹ ایریا اور بشیداس کیمپ کے قریب 80 سے زائد پھنسے مسافروں بشمول خواتین اوربچوں کو کھانا فراہم کیا گیا۔

کسی بھی ناخوشگوار واقعہ سے نمٹنے کے لئے پاک فوج متاثرہ علاقوں میں 300 ڈرونز کے ذریعے فضائی نگرانی کر رہی ہے، تاہم اب تک تمام گاڑیوں بشمول مسافروں کو بحفاظت ریسکیو کر لیا گیا ہے۔

بعدازاں مسافروں نے کامیاب ریسکیو آپریشن پر پاک فوج کا شکریہ بھی ادا کیا۔

واضح رہے کہ شاہراہ قراقرم کے مختلف علاقوں میں لینڈ سلائیڈنگ اور چٹانیں گرنے کا سلسلہ جاری ہے، تاہم متاثرہ مقام پر شہریوں کو احتیاط برتنے کی تاکید بھی کی گئی ہے۔