گلگت بلتستان میں لینڈ سلائیڈنگ کے باعث پاک فوج کا ریسکیو آپریشن

ویب ڈیسک

05th Mar, 2024. 02:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گلگت بلتستان میں لینڈ سلائیڈنگ کے باعث پاک فوج کا ریسکیو آپریشن

اسلام آباد: گلگت بلتستان میں شدید بارشوں اور لینڈ سلائیڈنگ کے باعث پاک فوج کا ریسکیو آپریشن جاری ہے۔

پاک فوج کے ذیلی ادارے فرنٹیئر ورکس آرگنائزیشن (ایف ڈبلیو او) کے دستوں نے خنجراب، چین سے سوست بندرگاہ جانے والے تجارتی قافلے کو بحفاظت ریسکیو کر لیا۔

تجارتی قافلہ کوکسل کے قریب 2 سے 3مارچ کی رات کو برفانی تودے اور لینڈ سلائیڈنگ کے دوران پھنس گیا تھا۔

ایف ڈبلیو او کے دستوں کی جانب سے برفانی تودے کو ہٹا کر غیر ملکیوں سمیت مسافروں کو طبی امداد اور کھانا بھی فراہم کیا گیا۔

پاک فوج کے ذیلی ادارے فرنٹیئر ورکس آرگنائزیشن کے دستوں نے لینڈ سلائیڈنگ سے متاثرہ قراقرم ہائی وے (کے کے ایچ) اور جگلوٹ اسکردو روڈ کو بھی کلیئر کر دیا ہے جبکہ دونوں سڑکوں سے ملبہ ہٹانے تک کلیئرنس آپریشن جاری رہے گا۔

واضح رہے کہ شدید بارشوں اور برفباری کے باعث گلگت بلتستان میں لینڈ سلائیڈنگ اور برفانی تودوں کے گرنے کا سلسلہ جاری ہے۔