دہشتگردوں کے حملے میں شہید کیپٹن حسین جہانگیر کی نمازجنازہ ادا

سلمان علی اعوان

26th May, 2024. 03:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دہشتگردوں کے حملے میں شہید کیپٹن حسین جہانگیر کی نمازجنازہ ادا

ضلع پشاور کے علاقے حسن خیل میں دہشتگردوں کے حملے میں شہید ہونے والے پاک فوج کے کیپٹن حسین جہانگیر کی نمازجنازہ ادا کردی گئی ہے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز کے انٹیلی جنس بیسڈ آپریشن کے دوران جام شہادت نوش کرنے والے کیپٹن حسین جہانگیر شہید اور حوالدار شفیق اللہ شہید کی نماز جنازہ پشاور گیریژن میں ادا کر دی گئی ہے۔

نماز جنازہ میں کور کمانڈر پشاور سمیت پاک فوج کے افسران، سول حکام، عوام اور جوانوں نے شرکت کی۔

ترجمان پاک فوج نے بتایا کہ شہداء کے جسد خاکی ان کے آبائی علاقوں میں روانہ کر دیے گئے جہاں ان کو مکمل فوجی اعزاز کے ساتھ سپرد خاک کیا جائے گا۔

آئی ایس پی آر نے مزید کہا کہ پاکستان کی مسلح افواج قوم کے شانہ بشانہ دہشت گردی کے خاتمے کے لیے پرعزم ہیں۔

واضح رہے کہ سیکیورٹی فورسز نے پشاور کے علاقے حسن خیل میں انٹیلیجنس بیسڈ آپریشن کرتے ہوئے 5 دہشت گردوں کو جہنم واصل کردیا جبکہ اس دوران کیپٹن حسین جہانگیر اور حوالدار شفیق اللہ شہید ہوگئے۔