آرمی چیف عاصم منیر سے ترک وزیر خارجہ کی ملاقات

سلمان علی اعوان

20th May, 2024. 09:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آرمی چیف عاصم منیر سے ترک وزیر خارجہ کی ملاقات

راولپنڈی: آرمی چیف جنرل سید عاصم منیر سے ترکیہ کے وزیر خارجہ خاقان فدان نے ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل سید عاصم منیر سے ترک وزیر خارجہ خاقان فدان نے ملاقات میں دو طرفہ باہمی دلچسپی کے امور پر تبادلہ خیال کیا۔

ملاقات میں آرمی چیف اور ترک وزیر خارجہ نے دونوں ممالک کے درمیان مشترکہ تاریخ ثقافت دین کی بنیاد پر استوار تعلقات پر اظہار اطمینان کیا۔

آئی ایس پی آر نے مزید بتایا کہ ملاقات کے دوران ترک وزیر خارجہ نے خطے میں امن اور استحکام کے لیے پاک فوج کے کردار کو سراہا۔

واضح رہے کہ ترکیہ کے وزیر خارجہ دو روزہ سرکاری دورے پر اسلام آباد پہنچ گئے ہیں، پاکستان آمد پر ترک وزیر خارجہ کا پرتپاک استقبال کیا گیا۔

دورے کے دوران ترک وزیر خارجہ وزیراعظم محمد شہبازشریف سے ملاقات کریں گے اور ائب وزیراعظم اسحاق ڈار سے بھی تفصیلی گفتگو کریں گے، فریقین دوطرفہ تعلقات کی صورتحال کا جائزہ لیں گے جبکہ اس موقع پر دونوں ممالک کے درمیان آئندہ اعلیٰ سطح کی ملاقاتوں کی تیاریوں کا جائزہ بھی لیا جائے گا۔