برطانیہ میں ہونے والی شوٹنگ چیمپئن شپ میں پاکستان کی بڑی جیت

سلمان علی اعوان

09th Sep, 2024. 11:06 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ میں ہونے والی شوٹنگ چیمپئن شپ میں پاکستان کی بڑی جیت

اسلام آباد: بین الاقوامی سطح پر پاکستان نےایک اور تاریخی اعزاز حاصل کرلیا، برطانیہ میں ہونے والی شوٹنگ چیمپئن شپ 2024 میں پاکستان کی بڑی جیت ہوگئی ہے۔

لانگ رینج شوٹنگ چیمپئن شپ (3 سے 8 ستمبر) برطانیہ کے لیجنڈری بسلی رینجز میں منقعد کی گئی، جس میں 18 ممالک کے تقریباً 160 عالمی معیار کے نشانہ بازوں نے حصہ لیا۔

چیمپئن شپ کے دوران پاکستان کی جانب سے 18 نشانے بازوں کے دستے نے پاکستان کی نمائندگی کی۔

مختلف چیلنجز اور پیشہ وارانہ صلاحیتوں سے لیس پاکستانی ٹیم نے شاندار کارکردگی سے قوم کا سر فخر سے بلند کیا۔

پاکستانی ٹیم نے 3 گولڈ، 4 سلور اور 4 کانسی کے تمغوں کی شاندار کامیابی حاصل کی، گولڈ میڈل جیتنے والوں میں جنید خٹک اور احمد جاوید شامل تھے۔

ایف ٹی آر کیٹیگری میں پاکستانی ٹیم نے انفرادی تمغوں کے متعدد انعام جیتے جبکہ پاکستان نے چیمپئن شپ کے مجموعی ٹاپ 10 میں 3 پوزیشنز حاصل کرتے ہوئے ٹاپ انفرادی شوٹرز میں بھی نمایاں کارکردگی دکھائی۔

پاکستانی شوٹرز نے سبز ہلالی پرچم کو نئی بلندیوں تک پہنچا کر ملک کا نام فخر سے بلند کیا۔