پاک بحریہ کے جہاز کا افریقی ملک سیشلز کا دورہ؛ سول وعسکری حکام سے اہم ملاقاتیں

سلمان علی اعوان

22nd Dec, 2024. 10:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بحریہ کے جہاز کا افریقی ملک سیشلز کا دورہ؛ سول وعسکری حکام سے اہم ملاقاتیں

پاک بحریہ کے جہاز پی این ایس معاون نے مشرقی افریقہ میں تعیناتی کے دوران افریقی ملک سیشلز کا دورہ کیا۔

پاک فوج کے شعبہ تعلقات عامہ (آئی ایس پی آر) کے مطابق بندرگاہ وکٹوریہ آمد پر پی این ایس معاون کا میزبان ملک کے اعلیٰ حکام نے پرتپاک استقبال کیا جس کے بعد کمانڈنگ آفیسر پاک بحریہ کے جہاز پی این ایس معاون نے سیشلز کے اعلیٰ سول و عسکری حکام سے اہم ملاقاتیں بھی کیں۔

ترجمان پاک فوج نے بتایا کہ ملاقاتوں کے دوران پاکستان اور سیشلز کے مابین موجودہ تعلقات اور تعاون کو مزید بڑھانے کے مواقع پر تبادلہ خیال کیا گیا۔

کمانڈنگ آفیسر نے چیف آف نیول اسٹاف ایڈمرل نوید اشرف کی طرف سے میزبان ملک کی عوام کے لیے نیک خواہشات کا اظہار کیا۔

آئی ایس پی آر کا کہنا تھا کہ پی این ایس معاون کے مشرقی افریقہ کے دورہ سے پاکستان اور افریقی ممالک کے مابین تعلقات کو مزید تقویت ملے گی۔