آرمی چیف کا ہر ممکن خطرے کامقابلہ کرنےکیلئے ہمہ وقت تیاری برقرار رکھنے پر زور

آرمی چیف کا ہر ممکن خطرے کا مقابلہ کرنے کیلئے ہمہ وقت تیاری برقرار رکھنے پر زور

سلمان علی اعوان

03rd Dec, 2024. 10:08 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آرمی چیف کا ہر ممکن خطرے کا مقابلہ کرنے کیلئے ہمہ وقت تیاری برقرار رکھنے پر زور

راولپنڈی: آرمی چیف جنرل سید عاصم منیر نے ہر ممکن خطرے کا مقابلہ کرنے کے لیے ہمہ وقت تیاری برقرار رکھنے کی اہمیت پر زور دیا۔

پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل سید عاصم منیر نے نارووال اور سیالکوٹ کا دورہ کیا اور اس دوران فیلڈ ٹریننگ ایکسرسائز کا معائنہ کیا۔

اس موقع پر آرمی چیف عاصم منیر کو مشق کے مقاصد اور طریقہ کار پر تفصیلی بریفنگ دی گئی۔

آئی ایس پی آر نے بتایا کہ مشق کا مقصد پیشہ ورانہ مہارتوں اور جنگی حکمت عملیوں کو نکھارنا تھا، مشق کے اغراض و مقاصد میں ابھرتے ہوئے آپریشنل چیلنجز سے نمٹنے کی مہارت کا حصول شامل ہے۔

مشق کے دوران آرمر، انفنٹری، میکانائزڈ انفنٹری، آرٹلری، ایئر ڈیفنس، آرمی ایوی ایشن اور اینٹی ٹینک گائیڈڈ میزائل یونٹس نے مشترکہ فائر کا مظاہرہ کیا۔

آرمی چیف نے ہر ممکن خطرے کا مقابلہ کرنے کے لیے ہمہ وقت تیاری برقرار رکھنے کی اہمیت پر زور دیا اور کہا کہ مسلح افواج قوم کی پختہ حمایت کے ساتھ پیارے وطن کی علاقائی سالمیت اور خودمختاری کو ہر قسم کے خطرات سے محفوظ رکھنے کی مکمل صلاحیت رکھتی ہیں۔

ترجمان پاک فوج کے مطابق آرمی چیف جنرل عاصم منیر کا استقبال کمانڈر گوجرانوالہ کور اور انسپکٹر جنرل ایویلوایشن و ٹریننگ نے کیا۔