آرمی چیف جنرل عاصم منیر کی طلائی تمغہ جیتنے والی پاک آرمی ٹیم سے ملاقات

سلمان علی اعوان

10th Dec, 2024. 12:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آرمی چیف جنرل عاصم منیر کی طلائی تمغہ جیتنے والی پاک آرمی ٹیم سے ملاقات

چیف آف آرمی اسٹاف جنرل سید عاصم منیر کی ایکسرسائز کیمبرین پیٹرول میں طلائی تمغہ جیتنے والی پاک آرمی ٹیم سے ملاقات ہوئی۔

پاک فوج کے شعبہ تعلقات عامہ (آئی ایس پی آر) کے مطابق ایکسرسائز کیمبرین پیٹرول 4 سے 13 اکتوبر تک برطانیہ میں منعقد ہوئی تھی جس میں 143 ٹیمز نے شرکت کی۔

ترجمان پاک فوج کا کہنا تھا کہ ایکسرسائز کیمبرین پیٹرول کو دنیا بھر میں سب سے کٹھن اور مشکل فوجی مشک تصور کیا جاتا ہے، پاک فوج کی ٹیم نے بے مثال مہارت اور عزم کا مظاہرہ کرتے ہوئے چھٹی بار طلائی تمغہ حاصل کیا۔

آرمی چیف جنرل سید عاصم منیر نے بین الاقوامی پلیٹ فارم پر پاکستان کے نام بلند کرنے پر ٹیم کی شاندار کامیابی کی تعریف کی۔

آئی ایس پی آر نے بتایا کہ کیمبرین پیٹرول مشق، برطانیہ کے علاقے وسطی ویلز کے پرپیچ پہاڑی علاقے میں کی جاتی ہے، جس کے دوران شریک ٹیمیں جسمانی برداشت، حکمت عملی اور ذہنی صلاحیتوں کے مشکل امتحان سے گزرتی ہیں۔

ترجمان پاک فوج کے مطابق مشق کے دوران ٹیم ورک، قیادت، نظم و ضبط، ہمت اور عزم کا مظاہرہ کیا جاتا ہے، جو فوجی مہارت کے لئے بنیادی معیار ہے۔