راولپنڈی: 24 مارچ، تئیس رمضان المبارک کو آرمی چیف جنرل سید عاصم منیر کی والِدہ ماجدہ رضائے الہیٰ سے وفات پا گئیں۔

اللّٰہ باری تعالیٰ مرحومہ کے درجات بلند فرمائے اور انہیں جنت میں اعلیٰ مقام عطاء فرمائے۔

وزیراعظم شہبازشریف

وزیراعظم محمد شہبازشریف نے آرمی چیف کی والدہ کے انتقال پر افسوس کا اظہار کیا اور کہا کہ سوگوار خاندان کے دکھ میں برابرکے شریک ہیں۔

وزیراعظم شہبازشریف نے مرحومہ کے لیے بلندی درجات کی دعا بھی کی۔

صدر مملکت آصف علی زرداری

صدر مملکت آصف علی زرداری نے آرمی چیف کی والدہ کے انتقال پر اظہار افسوس کرتے ہوئے اہلخانہ سے ہمدردی اور تعزیت کا بھی اظہار کیا۔

صدر آصف زرداری نے مرحومہ کی مغفرت اور اہلخانہ کے لیے صبر جمیل کی دعا کی اور کہا کہ سوگوار خاندان کے دکھ میں برابر کے شریک ہیں۔

وزیرداخلہ محسن نقوی

وفاقی وزیرداخلہ محسن نقوی نے بھی آرمی چیف کی والدہ کے انتقال پر افسوس کا اظہار کیا اور مرحومہ کی بلندی درجات، سوگوار خاندان کے لیے صبر جمیل کی دعا بھی کی۔

مولانا فضل الرحمان

جے یو آئی کے سربراہ مولانا فضل الرحمان نے بھی آرمی چیف جنرل عاصم منیر کی والدہ کی وفات پر اظہار افسوس کرتے ہوئے کہا کہ اللہ تعالیٰ مرحومہ کی کامل مغفرت فرما کر جنت میں اعلیٰ مقام عطا فرمائے۔

انہوں نے کہا کہ ماں جیسی شفیق اور پیار کرنے والی ذات کی رحلت بڑا صدمہ ہے، ماں کا کوئی نعم البدل نہیں، اللہ تعالیٰ جنرل عاصم منیر، ان کی فیملی اور دیگر لواحقین کو صبرجمیل عطا فرمائے۔