آرمی چیف سے بحرینی کمانڈر کی ملاقات، باہمی دلچسپی کے امور پر تبادلہ خیال

سلمان علی اعوان

18th Mar, 2025. 10:14 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آرمی چیف سے بحرینی کمانڈر کی ملاقات، باہمی دلچسپی کے امور پر تبادلہ خیال

چیف آف آرمی اسٹاف جنرل سید عاصم منیر سے بحرین نیشنل گارڈ کے کمانڈر جنرل شیخ محمد بن عیسیٰ بن سلمان آل خلیفہ کی ملاقات ہوئی ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر اور بحرینی کمانڈر کی ملاقات جنرل ہیڈ کوارٹرز راولپنڈی میں ہوئی جہاں دونوں رہنماؤں نے باہمی دلچسپی، علاقائی سلامتی اور عسکری تعاون کو مزید مضبوط بنانے پر تبادلہ خیال کیا۔

آئی ایس پی آر کی جانب سے جاری کیے گئے بیان کے مطابق ملاقات کے دوران آرمی چیف نے مشترکہ سلامتی کے چیلنجز سے نمٹنے اور خطے میں امن و استحکام کے لیے باہمی تعاون کی اہمیت پر زور دیا۔

دوسری جانب بحرینی کمانڈر نے پاکستانی مسلح افواج کی پیشہ ورانہ صلاحیتوں اور دہشت گردی سے نمٹنے کے لئے کوششوں کی تعریف بھی کی۔