قوتِ سماعت سے محروم دونوں بچوں نے اپنی شاندار کارکردگی کی بدولت امریکی اسکول میں اسکالرشپ حاصل کی اور یہ اعزاز حاصل کرنے والے پہلے پاکستانی بچے بن گئے۔

کراچی کے عثمان اور مٹیاری سے تعلق رکھنے والے دو بچوں نے معذوری کو اپنے خوابوں کی راہ میں حائل نہیں ہونے دیا، قوت سماعت سے محروم 2 پاکستانی بچوں نے شاندار کارکردگی کی بدولت امریکا میں اسکالر شپ حاصل کرکے تاریخ رقم کردی۔

16 سالہ عثمان کا تعلق کراچی کے علاقے لانڈھی اور بابر کا تعلق سندھ کے ضلع مٹیاری سے ہے اور یہ 2 ایسے بچے ہیں جنہوں نے معذوری کو اپنے خوابوں کی راہ میں حائل نہیں ہونے دیا۔

قوتِ سماعت سے محروم یہ دونوں بچے اپنی شاندار کارکردگی کی بدولت امریکن اسکول فاردی ڈیف میں اسکالر شپ حاصل کرکے یہ اعزاز پانے والے اولین پاکستانی بن  گئے۔

دونوں نےتعلیم کے میدان میں عمدہ کارکردگی دکھا کر امریکا میں امریکن اسکول فار دی ڈیف میں 5سال کی اسکالرشپ حاصل کی ہے۔

خیبرپختوانخوا کے بچوں کا مستقبل خطرے میں پڑگیا

کم آمدن والے طبقے سے تعلق رکھنے والے ان دونوں طالب علموں کا خواب ہے کہ وہ اعلیٰ تعلیم حاصل کرکے ملک میں قوتِ سماعت سے محروم افراد کی ترقی میں کردار ادا کریں ۔

پاکستان میں موجود ادارے ڈیف ریچ کے تحت بنیادی تعلیم حاصل کرنے والے یہ دونوں بچے اب امریکا میں زیر تعلیم ہیں جہاں سے انہوں نے اپنی کہانی اشاروں کی زبان میں بتائی اور اپنے معیارِ زندگی میں بہتری کا بھی بتایا۔

ڈیف ریچ کی جانب سے دونوں طلبہ کو ماہانہ 200  ڈالر وظیفہ بھی دیا جارہا ہے۔

امریکن اسکول فار دی ڈیف میں اسکالرشپ حاصل کرنے والے پہلے دو پاکستانیوں کی خواہش ہے کہ وہ مستقبل میں بھی ملک و قوم کا نام روشن کریں۔