تعلیمی سال 2020 کے پیش نظر صوبائی وزیر تعلیم سعید غنی نے کہا ہے کہ موجودہ تعلیمی سال کے متعلق اجلاس منقعد کیا جائیگا جس میں حالات حاضرہ کے مطابق فیصلہ کیا جائیگا۔

تفصیلات کے مطابق صوبائی وزیر سعید غنی نے  میڈیا سے بات کرتے ہوئے اپنے ایک بیان میں موجودہ صورتحال کی پیش نظر تعلیمی اداروں کی تعطیلات، ملتوی پرچوں اور تعلیمی سال کے حوالے سے بتایا کہ امتحان کے بغیر پروموٹ کیا جائیگا یا نہیں اس کا فیصلہ اجلاس میں کیا جائیگا۔

انہوں نے کہا کہ تاحال کوئی فیصلہ نہیں کیا گیا ہے لیکن اس معاملے پر جلد اجلاس منعقد کیا جائیگا اور مکمل مشاورت کے بعد ہی آخری فیصلہ بھی کیا جائیگا۔

یاد رہے کہوزیرِ تعلیم سندھ سعید غنی  نے سماجی رابطے کی ویب سائٹ ٹویٹر اپنے ایک پیغام میں کہا کہ سندھ کابینہ کے ہونے والے ہنگامی اجلاس میں فیصلہ کیا گیا ہے کہ صوبے بھر کر تعلیمی ادارے 30 مئی تک موسم گرما کی تعطیلات کیلئے بند رہیں گے۔

واضح رہے اس سے قبل حیدرآباد میں میڈیا سے بات چیت کرتے ہوئے سعید غنی نے کہا تھا کہ کورونا وائرس کے مسئلے کے پیدا ہونے کے بعد سے احتیاطی طور پر اسکول بند تھے لیکن اب اسکول 16مارچ سے کھل جائیں گے کیونکہ اس حوالے اجلاس ہوچکے ہیں۔

انہوں نے کہا تھا کہ گذشتہ اجلاسوں میں ممبرز کی اکثریت کی رائے تھی کہ اسکول کھول دینے چاہیں جبکہ وزیراعلی سندھ نے جو اجلاس کیا اس میں بھی تمام ایکسپرٹس نے موقف دیا تھا کہ اسکول کھولے جاسکتے ہیں لیکن ٹاسک فورس کی میٹنگ میں ابھی فیصلہ نہیں ہوا کہ اسکول کھولنے ہیں یا نہیں۔