لاک ڈائون کی وجہ سے اسکول فیسوں میں 20 فیصد رعایت کا معاملے پر سندھ ہائی کورٹ نے اسکول فیس میں رعایت کا سندھ حکومت کا حکم معطل کردیا ہے۔

تفصیلات کے مطابق لاک ڈائون کی وجہ سے اسکول فیسوں میں 20 فیصد رعایت کا معاملے پر سندھ ہائی کورٹ نے اسکول فیس میں رعایت کا سندھ حکومت کا حکم معطل کردیا ہے اور محکمہ تعلیم اور دیگر کو نوٹس جاری کردیئے ہیں۔

سندھ ہائی کورٹ کی جانب سے سندھ حکومت کو 22 اپریل تک جواب جمع کرانے کا حکم دیا گیا ہے۔

یاد رہے کہ سندھ ہائی کورٹ میں درخواست جمع کرائی ہے کہ سندھ حکومت نے اسکول فیس میں اپریل اور مئی کی فیس میں 20 فیصد رعایت کا حکم دیا اور  حکومت نے اساتذہ اور عملہ کو پوری تنخواہیں بھی جاری کرنے کا حکم دیا ہے۔

اسکول مالکان کا کہنا ہے کہ فیس میں رعایت کے بعد اخراجات کو پورا کرنا ممکن نہیں ہے اور فیس میں رعایت کا فیصلہ کابینہ نے کیا یا کسی اور نے ؟ یہ بھی نہیں بتایا گیا ہے۔

درکواست گزار کا یہ بھی کہنا تھا کہ حکومت نے فریقین کو سنے بغیر یکطرفہ حکم جاری کردیا ہے۔

یاد رہے اس سے قبل پنجاب کے وزیر تعلیم اور محکمہ تعلیم  سندھ کی جانب سے  کورونا وائرس کے باعث حالیہ لاک ڈاؤن کی وجہ سے اسکولوں کی بندش کو گرمیوں کی تعطیلات قرار دیے جانے پر فیسوں میں 20 فیصد کمی کرنے کی ہدایت دی گئی تھی۔

بول نیوز کی نشاندہی پر محکمہ تعلیم سندھ نے ایکشن لیتے ہوئے  ہر نجی اسکول  کو اپریل اور مئی کی فیسوں میں کم از کم 20  فیصد رعایت دینے کا پابند  کردیا تھا جبکہ پنجاب کے وزیر تعلیم مراد راس نے صوبے کے تمام نجی اسکولوں کی فیسوں میں 20 فیصد کمی کرنے کی ہدایت جاری کر دی تھی۔