صوبائی وزیر تعلیم برائے سندھ سعید غنی نے اعلان کیا ہے کہ سندھ بھر مین میٹرک اور انٹر کے طلباء کو بغیر امتحانات کے پروموٹ کردیا جائیگا۔

تفصیلات کے مطابق صوبائی وزیر تعلیم سندھ سعید غنی نے شفقت محمود کی سرباراہی میں ہونے والے اجلاس کے بعد پریس کانفرنس کرتے ہوئے اعلان کیا ہے کہ سندھ بھر میں آٹھویں جماعت تک کے ساتھ ساتھ اب میٹرک اور انٹر کے طلباء کو بھی 3 فیصد اضافی مارکس کے ساتھ پاس کر کے پروموٹ کردیا جائیگا۔

سعید غنی کے اعلان کے مطابق 9ویں جماعت کے طلبا 10ویں جماعت میں پروموٹ ہوں گے ، 10ویں جماعت کے طلبا 11ویں جماعت میں پروموٹ ہوں گے اور 11ویں جماعت کے طالبا 12ویں جماعت میں پروموٹ ہوں گے۔

سندھ میں کورونا کی صورتحال تشویشناک ہے، وزیرِ اعلیٰ سندھ

انہوں نے یہ بھی بتایا ہے کہ سندھ بھر میں اس بار کسی بھی بورڈ کے تحت کوئی امتحانات نہیں لیئے جائینگے جبکہ میٹرک اور انٹرمیڈیٹ کے فیل طلباء کو بھی پاس کیا جائے گا۔

اس سے قبل بھی سعید غنی نے پریس کانفرنس کرتے ہوئے کہا ہے کہ میں نے شفقت محمود کو بھی کہا تھا کہ ہم اپنی اسٹیرنگ کمیٹی کے سامنے وفاقی وزیر تعلیم کے فیصلے کو رکھیں گے اور آج 2 گھنٹے اسٹیرنگ کمیٹی کا اجلاس ہوا ہے جس میں فیصلہ ہوا ہے کہ یکم جون سے اسکول نہیں کھلیں گے۔

سعید غنی کا کہنا تھا کہ پہلی سے آٹھویں جماعت کے طلباء کو پروموٹ کیا جائے گا جبکہ طلباء کو پروموٹ کارکردگی کی بنیاد پر کیا جائے گا اور ایک یا 2 پرچہ میں فیل ہونے والے طالب علم کا امتحان لے کر اسکو پروموٹ کر سکتا ہے۔

انہوں نے بتایا کہ ایک اور اسٹیرنگ کمیٹی کا اجلاس ہوگا جس کے متعلق میٹرک اور انٹرمیڈیٹ امتحانات کے حوالے سے سیکریٹری تعلیم و تعلیمی بورڈ کے سربراہان کو ٹاسک دیا گیا ہے اور اس پر کمیٹی میٹرک اور انٹرمیڈیٹ امتحانات کے لیے آج غور کے لئے بیٹھے گی جس کے بعد کمیٹی کل تک اپنی رپورٹ جمع کرائے گی۔