نویں سے بارہویں جماعت کے امتحانات کے لیے اسکول و کالج ایسو سی ایشن نے تجاویز یش کردی ہیں جس میں پرائیوٹ اسکول و کالج ایسوسی ایشن کیتجاویز تجاویز شامل ہیں۔

تجویز پر اسکول و کالج ایسو سی ایشن کے نمائندے اسٹیرنگ کمیٹی کے اجلاس میں بحث کریں گے جس کے مطابق نویں اور دسویں جماعت کے امتحانات یکم جولائی سے 15 جولائی تک لیے جائیں، انٹرمیڈیٹ کے امتحانات مرحلہ وار 20 جولائی سے 20 اگست تک لیے جائیں۔

امتحانی مراکز کی تعداد میں اضافہ کیا جائے اور زیادہ سے زیادہ 150 سے 200 بچوں کی تعداد رکھی جائے۔ امتحانی مراکز میں داخلے اور باہر نکلنے کے دوران فاصلہ رکھ کر قطار بنوائی جا سکتی ہے، امتحانی مراکز کے داخلی راستے پر تھرمل اسکینر ڈیوائس اور سینیٹائزنگ واک تھرو گیٹ کا انتظام کیا جائے۔

ہر بچے اور اسٹاف کے لیے پورا وقت ماسک پہننا ضروری قرار دیا جائے اور کچھ روز سے کھانسی، نزلہ زکام یا بخار میں مبتلا بچوں کو سالانہ امتحان میں شریک نہ کیا جائے ایسے بچوں کو ضمنی امتحان میں موقع دیا جائے۔

امتحانی پرچوں میں مختصر جواب والے سوالات اور MCQs ہوں اور اس کے لیے 12 سے 16 صفحات پر مشتمل سوالات و جوابات کے لیے ایک ہی کاپی ہونی چاہیے جبکہ پیپر کا دورانیہ دو گھنٹے کا رکھاجائے،حیدر علی معروضی اور مختصر سوالات کی وجہ سے پیپر اسیسمنٹ میں وقت کم صرف ہو گا۔

دسویں جماعت کا نتیجہ 31 اگست تک جاری کر دیا جائے جبکہ نویں جماعت کا نتیجہ 30 اکتوبر تک جاری کیا جاسکتا ہے۔ بارہویں جماعت کے نتائج 15 اکتوبر تک جاری کر دئیے جائیں اور گیارہویں جماعت کے نتیجے 30 نومبر تک جاری ہو سکتےہیں۔