پنجاب ٹیچرز یونین کی جانب سے پنجاب کے تعلیمی بجٹ کے حوالے ریمارکس جاری کئے گئے ہیں جس میں انہوں نے کہا ہے کہ پنجاب حکومت کا تعلیمی بجٹ مایوس کن ہے۔
اس حوالے سے رانا لیاقت علی کا کہنا تھا کہ پچھلے سال کی نسبت مجموعی بجٹ میں 14 ارب کا اضافہ کیا گیا ہے جو اونٹ کے منہ میں زیرے کے برابر ہے جبکہ طلباء کو بنیادی سہولیات کی فراہمی کی اشیاء کی قیمتوں میں تقریبا 50 فیصد اضافہ ہو چکا ہے۔
ٹیچر یونین کا کہنا تھا کہ پنجاب میں اس وقت تقریبا 50 ہزار اساتذہ و ملازمین کی اسامیاں خالی ہیں اور تقریبا 20 ہزار کلاس روم کی ضرورت ہے ۔
پنجاب کے اساتذہ کے حوالے سے کہا گیا ہے کہ اس بجٹ میں اساتذہ کے لئے کوئی انسینٹیو نظر نہیں آتا ہے اس لئے مطالبہ بھی کیا گیا ہے کہ پنجاب حکومت اساتذہ کو کم ازکم 3 ہزار روپے ماہانہ ٹیچنگ الاونس دینے کا اعلان کرے اور پنجاب حکومت اسکولز ایجوکیشن کے بجٹ میں مزید 50 ارب روپے کا اضافہ کرے ۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
