شہر اقتدار میں مزید 5 تعلیمی ادارے سیل کردیئے گئے ہیں۔

تفصیلات کے مطابق ملک بھر میں کورونا وائرس کے پیش نظر تعلیمی ادارے سیل کرنے کے معاملے پر اسلام آباد کے مزید 5 تعلیمی ادارے سیل کردیئے گئے ہیں۔

یاد رہے کہ اس سے پہلے 54 تعلیمی اداروں کو دو یا دو سے زائد کرونا کیسز نکلنے پر سیل کیا جا چکا ہے۔

کورونا کے بڑھتے ہوئے کیسز کے پیش نظر قائداعظم یونیورسٹی کو 2 ہفتوں کے لیے سیل کرنے کا فیصلہ کر لیا، یونیورسٹی سیل کرنے کا نوٹیفکیشن بھی جاری کردیا گیا تھا۔

قبل ازیں اسلام آباد میں ورونا کے بڑھتے ہوئے کیسز کے پیش نظر انتظامیہ نے اسلام آباد میں سمارٹ لاک ڈاؤن کا سلسلہ پھر شروع کردیا۔

انتظامیہ نے کورونا کے بڑھتے ہوئے کیسز کے پیش نظر سیکٹر ایف الیون آئی ایٹ جی سکس میڈیا ٹاؤن اور پاکستان ٹاؤن کی مزید دس گلیوں کو سیل کرنے کا نوٹیفکیشن جاری کر دیا یے

ڈپٹی کمیشنر کی جانب سے جاری بیان میں کہا گیا ہے کہ ایف الیون میں گلی نمبر 46اور23 کو مکمل سیل  کیا جائے گا جبکہ آئی ایٹ ٹو ، تھری اور فور کی تین،آئی ٹین ٹو اور جی الیون ٹو کی گلیاں بھی ان میں شامل ہے جبکہ سیکٹر جی سکس ٹو کی گلی نمبر 35 کو بھی سیل کرنے کا فیصلہ کیا ہے۔

ڈپٹی کمیشنر نے مزید کہا کہ دو نجی ہاوسنگ سوسائیٹیوں کی بھی مختلف گلیاں مکمل طور پر بند کر دی جائیں گی جبکہ مذکورہ گلیاں کل تک سیل کردی جائیں گی۔