وفاقی حکومت کی جانب سے ملک بھر کے مخصوص اضلاع میں تعلیمی ادارے 11 اپریل تک بند رکھنے کا فیصلہ کیا گیا ہے۔
تفصیلات کے مطابق این سی او سی اجلاس میں تعلیمی اداروں کے حوالے سے اہم فیصلہ کیا گیا ہے کہ تعلیمی ادارے 11 اپریل تک مخصوص اضلاع میں بند رہیں گے۔
اس ضمن میں وفاقی وزیر تعلیم شفقت محمود نے پریس کانفرنس کرتے ہوئے بتایا ہے کہ اسلام آباد سمیت مخصوص اضلاع میں 11 اپریل تک تمام تعلیمی ادارے بند رہیں گے۔
شفقت محمود نے بتایا ہے کہ ملک بھر میں زیادہ کورونا کیسز والے اضلاع میں تعلیمی ادارے بند کئے جائینگے کیونکہ بچوں کی صحت اولین ترجیح ہے اس پر رسک نہیں لیا جاسکتا ہے۔
وفاقی وزیر تعلیم کا کہنا تھا کہ اسلام آباد میں بیماری کا پھیلاؤ زیادہ ہے جبکہ سندھ، بلوچستان اور گلگت بلتستا ن میں کورونا کی شدت کم ہے اسی لئے 11 اپریل تک تعلیمی ادارے بند کرنے کا فیصلہ کیا گیا ہے۔
Advertisement
انہوں نے کہا ہے کہ اس سال تمام امتحانات شیڈول کے مطابق لئے جائینگے تاہم 7 اپریل کو این سی او سی صورتحال کا دوبارہ جائزہ بھی لے گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
