این سی او سی نے تعلیمی اداروں کی بندش سے متعلق وضاحت جاری کردی ہے۔

نیشنل کمانڈ اینڈ آپریشن سینٹر ( این سی او سی ) نے ٹوئٹر پر جاری ایک پیغام میں کہا ہے کہ کورونا کی پابندیوں سے متعلق ایک نوٹیفکیشن سوشل میڈیا پر گردش کر رہا ہے جو کہ جعلی ہے۔

واضح رہے کہ 18 جنوری کو بھی  این سی او سی کے جعلی ٹویٹر اکاؤنٹ سے سوشل میڈیا پر اسکولوں کی بندش سے متعلق جعلی خبریں پھیلائی گئی تھیں۔

A fake news regarding closure of primary schools is circulating via fake twitter account. Action against this account has been initiated through FIA cyber crime wing. pic.twitter.com/qp7tL2PZe8

Advertisement

— NCOC (@OfficialNcoc) January 18, 2022

خیال رہے کہ سوشل میڈیا پر پرائمری اسکولوں کی بندش سے متعلق خبریں ٹویٹر پر وائرل ہو رہی تھیں جس میں دعویٰ کیا گیا تھا کہ اگلے حکم تک پاکستان میں تمام پرائمری اسکول بند رہیں گے، یہ فیصلہ نیشنل کمانڈ اینڈ کنٹرول سنٹر (این سی او سی) کے اجلاس میں کیا گیا، مزید تفصیلات جلد جاری کی جائیں گی۔

اس ٹویٹر اکاؤنٹ سے وفاقی وزیر تعلیم شفقت محمود کو ہیش ٹیگ کیا گیا ہے۔

تاہم نیشنل کمانڈ اینڈ آپریشنز سنٹر (این سی او سی) کی طرف سے سماجی رابطے کی ویب سائٹ ٹویٹر پر بتایا گیا کہ جعلی ٹویٹر اکاؤنٹ کے ذریعے پرائمری اسکولوں کی بندش سے متعلق ایک جعلی خبر گردش کر رہی ہے، جعلی خبر شیئر کرنے والے ٹویٹر اکاؤنٹ کے خلاف وفاقی تحقیقاتی ادارے (ایف آئی اے) سائبر کرائم ونگ کے ذریعے کارروائی شروع کر دی گئی ہے۔