معروف پاکستانی ریپر طلحہ انجم نے نیپال میں کنسرٹ کے دوران بھارتی پرچم اٹھانے کی ویڈیو وائرل ہونے کے بعد سوشل میڈیا پر ہونے والی تنقید اور بحث پر اپنا مؤقف جاری کردیا ہے۔
گزشتہ دنوں طلحہ انجم کی نیپال کنسرٹ کی ایک ویڈیو سوشل میڈیا پر وائرل ہوئی جس میں انہیں بھارتی پرچم تھامے دیکھا گیا۔
اس منظر پر پاکستانی صارفین کی جانب سے شدید ردِعمل سامنے آیا، کئی صارفین نے اس عمل کو سیاسی رنگ دیتے ہوئے تنقید کا نشانہ بنایا، جبکہ کچھ مداحوں نے اسے فن اور ثقافت کے ذریعے سرحدوں سے بالاتر اظہار قرار دیا۔
View this post on Instagram
اس واقعے پر ردِعمل دیتے ہوئے طلحہ انجم نے ردعمل دیتے ہوئے کہا کہ ان کا یہ عمل کسی سیاسی بیانیے کی حمایت یا مخالفت نہیں تھا۔
ریپر کے مطابق وہ فن کے ذریعے سرحدوں سے آگے بڑھنے والے اتحاد پر یقین رکھتے ہیں، فنکار کا کام لوگوں کو جوڑنا ہے، تقسیم پیدا کرنا نہیں، ان کے دل میں نفرت کی کوئی جگہ نہیں اور نہ ہی ان کے فن کی کوئی سرحد ہے۔
انہوں نے واضح کیا کہ وہ تنازعات سے خوفزدہ نہیں، اگر بھارتی جھنڈا اٹھانے سے تنازعہ کھڑا ہوتا ہے تو ہونے دیں، میں دوبارہ بھی ایسا کروں گا۔ اردو ریپ ہمیشہ بے باک رہے گا۔
طلحہ انجم نے میڈیا پر اس واقعے کو بڑھا چڑھا کر پیش کرنے کا الزام بھی عائد کیا اور کہا کہ وہ غیرضروری شور اور تنازعے کے بجائے اپنے موسیقی کے کام پر توجہ مرکوز رکھنا چاہتے ہیں ۔
