بھارتی سنیما  کی نامور اداکارہ دپیکا پڈوکون  نے بالی ووڈ کے سلطان کوا پنے الفاظ کے داؤ سے پچھاڑدیا ہے۔

فیشن کے حوالے سے امریکی  جریدے ووگ کو انٹرویو دیتے ہوئے دپیکا پڈوکون نے، جو کسی دور میں ڈپریشن کا شکار ہو گئی تھیں، سلمان خان کے ڈپریشن کے حوالے سے دیے گئے بیان پرطنز کرتے ہوئے کہا ’ میرے ڈپریشن کی جس لفظ سے بہتروضاحت ہو سکتی ہے وہ ہےجدو جہد،ہر لمحہ کی جدو جہد۔‘

دپیکا پڈوکون نے سلمان خان کا نام لئے بغیر کہا کہ ’ایک مرد اداکار نے کہا تھا کہ ان کو ڈپریشن پالنے یا لینے کا کوئی شوق نہیں ، گویا ڈپریشن کوئی پسند ناپسند کا معاملہ نہیں ہے۔ ‘
خیال رہے کہ گزشتہ سال  فروری  میں سلمان خان نے ایک تقریب میں کہا تھا کہ ” میں آس پاس بہت سارے لوگوں کو دیکھ رہا ہوں جو ڈپریشن اور جذباتی ہو رہے ہیں۔جبکہ میں چاہے کسی بھی حالات سے گزر رہا ہوں ڈپریشن ہونا برداشت نہیں کر سکتا۔ یہ میرے خلاف کام کرتا ہے ‘۔
دپیکا پڈکون سال 2014میں ڈپریشن کا شکار ہو گئیں تھی۔

وہ کئی بار اپنے ڈپریشن کے بارے میں کھلے عام بات کرچکی ہیں۔

 بالی وڈ کی اداکارہ دیپیکا پڈوکون کو ایک کامیاب اداکارہ مانا جاتاہے۔

 اس کامیابی کے دوران دیپیکا کو کئی طرح کی ذہنی پیچیدگیوں کا سامنابھی رہاہے۔دیپیکا کے ڈپریشن پر دیئے گئے انٹرویوز بھی سامنے آچکے ہیں ۔

دیپیکا کا کہنا ہے کہ صرف ناکام لوگ ہی ذہنی پریشانی کا شکار نہیں ہوتے، کامیاب افراد کو بھی یہ مرض ہوسکتاہے۔