پاک فوج کےترجمان میجرجنرل آصف غفور کی گزشتہ ماہ شاہ رخ خان پر تنقیداوراداکارشاہ رخ خان کوان کےویب سیریز کی پروڈکشن پر تنقیدکانشانہ بنانے پربالی ووڈ اداکارعمران ہاشمی نےردعمل کااظہار کردیا۔

بالی ووڈاداکارعمران ہاشمی نےحال ہی میں اپنےایک انٹرویو میں شاہ رخ خان کادفاع کرتے ہوئے کہا  پاکستان اور بھارت کی کہانی میں جذبات زیادہ ابھرتے ہیں اورسوشل میڈیا کی موجودگی دونوں ممالک کی عوام کی جانب سے فوری ردعمل آتاہےجس کو برداشت کرنا پڑتا ہے۔

پاک فوج کےترجمان کے ٹویٹ سے متعلق عمران ہاشمی نے جواب دیتے ہوئےکہا کہ سیریزکسی بھی قسم کا پروپیگنڈا نہیں بلکہ 2014 میں شائع ہونے والی ایک کتاب سے لیاگیاہے۔

عمران ہاشمی کا کہناتھا کہ 2014 کے پس منظرمیں عالمی سطح پر حالات کچھ اور تھے۔

اداکار شاہ رخ خان کی پروڈکشن پرمبنی فلم ’بارڈرآف بلڈ‘ ایک بھارتی ایجنٹ کی زندگی پر فلمائی گئی ہے۔

ویب سیریز کا مرکزی کردارعمران ہاشمی ادا کررہے ہیں۔ ’بارڈر آف بلڈ‘ پاکستان اور مسلمانوں کے خلاف منفی پروپیگنڈےپربنی ہے۔

خیال رہے کہ گزشتہ ماہ شاہ رخ خان نےاپنے نیٹ فلیکس ویب سیریز کاٹریلرجاری کیا تھاجس پر میجر جنرل آصف غفور نےانہیں ٹوئٹر پیغام میں کہاتھاکہ وہ اس کے بجائے ہندوتوا اور فسطائیت سے متاثر آر ایس ایس سمیت مقبوضہ کشمیر میں مسلمانوں پرہونے والے مظالم کے خلاف بات امن اور انسانیت کوفروغ دے سکتے تھے۔

اداکارعمران ہاشمی کاانٹرویو کے دوران مزید کہناتھا کہ لوگوں کی وجہ سے ایسی فلمیں بنانا چھوڑی نہیں جاسکتی ہیں،لوگ باتیں کرتے رہیں گے،سب کو خوش نہیں کرسکتے کیونکہ ہرانسان کی اپنی ایک رائے ہوتی ہے۔