نامور کورین بینڈ بی ٹی ایس سوشل میڈیاپرخاموش، مداحوں نےجلدالبم ریلیزہونے کی پیشگوئی کردی۔

کورین میڈیا کے مطابق بی ٹی ایس  آرمی (مداحوں) نے امید ظاہر کی ہے کہ  2019کےآخرتک ان کے پسندیدہ میوزک گراپ کی جانب سے البم ریلیز کردیا جائے گا۔

بی ٹی ایس آرمی کا کہناہے کہ مشہوربوائے بینڈاپنے آنے والے نئے میوزک پر کام کر رہاہے جس کی وجہ سے سوشل میڈیا پر بھی ان کی پوسٹوں کا سلسلہ رکا ہوا ہے۔ مداح بی ٹی ایس کی جانب سے اہم اعلان کیلئے تیار بیٹھے ہیں۔

میوزک کمپنی بِگ ہٹ انٹرٹینمنٹ کی جانب سےحال ہی میں اعلان کیاگیا ہے کہ بی ٹی ایس نے اپنے ایک ماہ کی چھٹی کے دوران گئی وی لاگ ریکارڈ کروائے ہیں۔ کمپنی نے شیڈول جاری کرتےہوئےکہا کہ یوٹیوب پران ویلاگس کا پریمیئر کب کیاجائے گا۔ ابھی تک ، شائقین کے لئے جے ہوپ ، سوگا ، آر ایم ، اور جن کےوی لاگ جاری کیے گئے۔ کچھ مداح کی جانب سے وی لاگس کوبی ٹی ایس کے سوشل میڈیا پر غیر حاضررہنے کی وجہ ظاہر کیاگیا ہے۔

بی ٹی ایس کی سوشل میڈیاپرخاموشی کو مدنظر رکھتے ہوئے ایک مداح کاکہناہے کہ ان کا پسندیدہ گروپ وی لاگس کی ریکارڈنگ کے سلسلے میں سوشل میڈیاسے غائب ہے۔

https://twitter.com/BTS_twt/status/1179723558496301056

ایک اور سوشل میڈیا صارف نے کہاہے کہ بی ٹی ایس کی جلد واپسی انہیں سنائی دے رہی ہے۔

틀린 그림 찾기 pic.twitter.com/vja2uM0fYC

— 방탄소년단 (@BTS_twt) October 2, 2019

خیال رہے کہ کورین میوزک گروپ 11اکتوبر کوسعودی عرب میں اپنے کنسرٹ میں پرفارم کرے گا۔

حال ہی میں جنوبی کوریاکےمعروف ترین کورین بینڈ ’بی ٹی ایس‘ نے سوشل میڈیاویڈیوایپ ٹک ٹاک کااکاونٹ بنایاہے۔

کے پاپ کے مایہ نازاوردنیا میں سب سے زیادہ تیزی سےمشہور ہونے والےبینڈ کے گلوکاروں نے 25 ستمبر کوایک ٹویٹ کے ذریعہ اپنےنئے سوشل میڈیاوڈیوایپ کااعلان کیاجس میں اکاؤنٹ کا لنک شیئر کیا گیا ہے۔

کورین پاپ گروپ کی منیجمنٹ کمپنی بگ ہٹ انٹرٹینمنٹ کے تحت چلائے جانے والے بی ٹی ایس اکاؤنٹ کے ذریعےٹویٹر پر منفرد انداز میں اعلان کیاگیا جس میں ’بی ٹی ایس ٹِک ٹاک چینل اوپن!‘ تحریرکیاگیا۔ بی ٹی ایس ٹویٹراکاونٹ کے ہی ذریعے نامورگروپ کےنئے آنے والے گانوں سمیت مختلف سوشل سرگرمیوں کے سب سے زیادہ اعلانات کیے جاتےہیں۔

#BTS TikTok Channel Open!https://t.co/OYVpJF8SmT

Advertisement

— BTS_official (@bts_bighit) September 25, 2019

بی ٹی ایس ممبرزحال ہی میں اپنی چھٹیوں سے واپس آئے ہیں جس کے بعدان کی آرمی (مداحوں) کےکیلئے ٹک ٹاک میں شامل ہونے کی خبرپر بھرپور خوشی کا اظہار کیاگیا۔