جادوگرنی کا جادو چل گیا ، ہالی ووڈ فلم میلیفسنٹ مسٹریس آف ایول  باکس آفس پر چھاگئی ۔

تفصیلات کے مطابق طلسماتی کہانی پر مبنی ہالی ووڈ فلم میلیفسینٹ سیریز کی دوسری فلم مسٹریس آف ایول میں اینجلیانا جولی نے کمال کردیا ۔ فلم اپنی اوپننگ میں صرف  3 کروڑ 60 لاکھ ڈالرز کما کر پہلی پوزیشن پر برآجمان ہے۔ یہ فلم 2014کی فلم کا سیکوئل ہے۔ فلم کی کہانی افسانوی کہانیوں پرمبنی کئی کتابوں سے ماخوذ ہے جس میں انجلینا جولی اور ایلی فیننگ ایک بار پھر اپنے گزشتہ کرداروں میں دکھائی دیں گی۔ فلم کی دیگر کاسٹ میں ایڈ سیکرین، ہیریسن ڈکسن، جونو ٹیمپل اورفرنینڈا ڈینیزا سمیت دیگر اداکار شامل ہیں۔

باکس آفس پر دوہفتوں تک راج کرنے والے جوکر اب 2 کروڑ 92 لاکھڈالرز کی کمائی کے ساتھ  دوسرے نمبر پر آچکی ہے۔ٹوڈ فیلپس کی ہدایت کاری میں بننے والی فلم ’جوکر ‘ کی کہانی ایک ناکام سٹینڈ اپ کامیڈین اور جوکر کے گرد گھومتی ہے جسے کئی مشکلات کا سامنا بھی کرنا پڑتا ہے جبکہ اس کی ماں اسے مسکرانے اور خوش رہنے کی تلقین کرتی ہے لیکن ایک دن گلی میں اس پر کچھ لڑکے حملہ کرتے ہیں اور یہ واقعہ اس کی زندگی کو ہمیشہ کے لئے بدل دیتا ہے اور وہ غلط راستہ اختیار کر لیتا ہے۔فلم میں اداکار فیونکس جوکوئن جوکر کا منفی کردار ادا کر رہے ہیں جبکہ دیگر کاسٹ میں رابرٹ ڈی نیرو، بیل کیمپ، زیزی بیٹزفرانسس کونروئے اور دیگر شامل ہیں۔ فلم رواں سال 4 اکتوبر کو ریلیز ہوئی تھی۔

جبکہ ایما اسٹون اور ووڈی ہیرلسون کی زومبی لینڈ ڈبل ٹیپ 2 کروڑ 67 لاکھ ڈالرز کی کمائی کے  ساتھ  تیسرے نمبر پر رہی  ہے۔