بالی ووڈ کی صدابہار اداکارہ روینہ ٹنڈن بھی پاکستان کی تعریف کیے بغیر نہ رہ سکی۔

تفصیلات کے مطابق گزشتہ دنوں پاکستان سول ایویشن اتھارٹی کے ایک ائیرٹریفک کنٹرولر نے بھارت سے اومان جانے والے ایک طیارے کو حادثے سے بچا لیا تھا۔

سماجی تعلقات کی ویب سائٹ ٹوئٹر پر روینہ ٹنڈن نے پاکستان کی تعریف کر تے ہو ئے ایک پیغام جا ری کیا اور کہا کہ انسانیت سیاست سے جیت گئی۔

When humanity wins over politics . Pakistani air traffic controller saves a Jaipur to Muscat flight from disaster https://t.co/XEzSuVFzUC

Advertisement

— Raveena Tandon (@TandonRaveena) November 16, 2019

روینہ نے مزید کہا کہ پاکستان کے ائیر ٹریفک کنٹرولر نے فلائٹ کو بڑے حادثے سے بچا لیا۔

بھارتی میڈیا کے مطابق بھارت کے شہر جے پور سے مسقط جانے والے مسافر طیارے میں 150 مسافر سوار تھے اور کراچی ریجن کے اوپر سے گزر تے وقت خراب موسم میں پھنس گیا تھا جبکہ جے پور سے آنے والا طیارہ38 ہزارفٹ بلندی پر آسمانی بجلی کی زد میں آکر 36 ہزارفٹ کی بلندی پرآگیا تھا۔

ذرائع کے مطابق اس موقع پر پاکستان میں ہوا بازی کے نگران سرکاری ادارے سی اے اے کے ایئر ٹریفک کنٹرولر نے فوری طور پر جہاز کے کپتان کو پاکستانی فضا میں موجود شدید فضائی ٹریفک سے نکلنے میں مدد فراہم کی تھی۔