برطانوی شاہی خاندان  کی بہو 37 سالہ میگھن مارکل نےاسٹائل آئیکون 2019 کا اعزاز اپنے نام کرلیاہے۔

غیرملکی خبررساں ادارےکےمطابق ہر سال فیشن اور اسٹائل سے متعلق فہرست اور رپورٹس جاری کرنے والے ادارے لائسٹ  کے مطابق آن لائن سروے میں دنیا بھر کے افراد نے میگھن مارکل کو سب سے زیادہ متاثر کن قراردیا ہے ۔

لائسٹ نے سال 2019 کے دس  متاثر کن اسٹائل آئیکون کی فہرست جاری کرنے سمیت سب سے زیادہ متاثر کن فیشن برانڈز کی فہرست کے ساتھ ہی یہ رپورٹ بھی جاری کی کہ دنیا بھر میں کس طرح کا فیشن اور اسٹائل جاری رہا۔

ادارے کے مطابق رواں سال ایک کروڑ 40 لاکھ افراد نے ان کی ویب سائٹ پر دنیا بھر میں جاری فیشن اور اسٹائل سے متعلق معلومات سرچ کیں اور ادارے نےمعلومات سرچ کرنے والے افراد کےڈیٹاکواستعمال کرتےہوئےنئی فہرستیں مرتب کیں۔

ادارےنے 12 ہزارسےزائدافرادسے آن لائن سروے بھی کیااوران سےفیشن و آئیکون کی متاثر کن شخصیات سمیت دیگر سوالات کیے جس کےبعد ادارےنےفہرست جاری کی۔

ادارے کی جانب سے جاری کی گئی دس متاثرکن اسٹائل آئیکون میں میگھن مارکل نےپہلا نمبر حاصل کیا جبکہ 23امریکی اداکارہ سالہ ٹموتھی چلامیت نے سب سے متاثر کن مرد اسٹائیل آئیکون کا اعزاز حاصل کیا۔

تیسرے نمبر پر 23 سالہ امریکی اداکارہ زنڈیا، چوتھے نمبر پرامریکی گلوکارہ بلی ایلش، پانچویں نمبر پر گلوکارہ کار ڈی بی اور چھٹے نمبر پر تھائی لینڈ کی گلوکارہ و ریپر لیزا کو رکھا گیا۔

 اسٹائل آئیکون میں ساتویں نمبر پر دنیا کی کم عمر ترین ارب پتی ماڈل 22 سالہ کایلی جینر، آٹھویں نمبر پرامریکی گلوکارہ لیزو، نویں نمبر پربرطانوی گلوکارہ ہیری اسٹائلزاوردسویں نمبرپرامریکی پرفارمربلی پورٹررہے۔