پاکستان شو بز انڈسٹری کی نامور صدا بہار اداکارہ ثانیہ سعید آج کل بننے والے ٹی وی ڈراموں میں پاکستان کی خواتین کی ہر شعبے میں کی جانے والی ترقی کو نہ دکھانے پر انڈسٹری کے ہدایتکاروں پر برس پڑیں۔

تفصیلات کے مطابق اداکارہ ثانیہ سعید نے بول ٹی وی کے مقبول ترین پروگرام بول نا ئٹس ود احسن خان میں آج کل بننے والے پا کستانی ڈرامو ں پر کھل کر با ت کر تے ہو ئے کہا کہ ہماری ڈرامہ انڈسٹری معاشرے کے اصل چہرے سے بالکل الگ ہوتی جارہی ہے، جو ڈرامے اب بن رہے ہیں، ان میں خواتین کا سب سے بڑا مسئلہ ان کی شادی کے معاملے کودکھایا جاتا ہے جو بالکل غلط ہے۔

ثانیہ سعیدنے کہا ہماری لڑکیاں اورخواتین ہر شعبے میں بڑھ چڑھ کرحصہ لے رہی ہیں اور کامیابی سے ہمکنار بھی ہو رہی ہیں لیکن ایسے مسائل جن کا وہ آئے روز اپنی زندگی میں سامنا کررہی ہیں ان کا ڈراموں میں پرچارنہیں کیا جارہا۔

اداکارہ نے مزید کہا کہ ہماری خواتین کو صحت و تعلیم کی غیر مساوی سہولیات ، کردارکشی اور دیگر سماجی برائیوں کا سامنا ہے، انہیں آزادی اظہار سمیت اپنی پسند کا انتخاب کرنے تک کی انہیں اجازت نہیں لیکن یہ سب ہمارے ڈراموں کی کہانیوں میں نہیں دکھایا جارہا سوائے ایک چیز کہ کسی بھی خواتین کا مسئلہ یہ سارے مسائل نہیں بلکہ شادی ہے۔