اسکاٹ لینڈ سے تعلق رکھنے والےچائلڈ اسٹار اوربیلے ڈانسر جیک برنس

14 سال کی عمر میں چل بسے۔

غیرملکی میڈیا رپورٹس کےمطابق اسکاٹ لینڈکےکم عمر ترین اداکاریکم دسمبر کوانتقال کرگئے تھے تاہم اہل خانہ نےاس خبر کو خفیہ رکھا تھا۔

رپورٹ میں بتایا گیا ہے کہ جیک برنس اپنے کمرے میں تشویشناک حالت میں پائے گئے تھےاورجب انہیں اسپتال پہنچایاگیا تو ڈاکٹروں نےان کی موت کی تصدیق کی۔

جیک برنس نے ٹی وی سیریز ’ون آف یو ایس‘ اور ’ان پلین سائٹ‘ میں اپنی اداکاری کےجوہردکھائےجبکہ وہ 2012 میں الائٹ اکیڈمی آف ڈانس کی اکیڈمی کا حصہ بھی بنے جو کلاسیکل بیلے ڈانس کالج ہے۔ یہ اسکاٹ لینڈ میں گرین وک کے ہوم ٹاؤن میں واقع ہے۔

کےپوپ سنگرنےخودکشی کرلی

جیک برنس کی موت کی تصدیق الائٹ اکیڈمی آف ڈانس کی جانب سے 9 دسمبر کوسوشل میڈیاپر شیئر کی گئی تاہم اہلخانہ نے پراسرار موت پر بالکل خاموشی اختیار کی ہوئی تھی۔

الائٹ اکیڈمی آف ڈانس کی جانب سے شیئر کی جانے والی پوسٹ میں برنس کی موت پر گہرے رنج و غم کااظہار بھی کیاگیا۔

کم عمراداکارکی پُراسرار موت کی تاحال کوئی خاص وجہ سامنے نہیں آسکی ہے۔

کچھ عرصہ قبل جنوبی کورین دارالحکومت سیول میں گلوکارہ گوہارا اپنے گھرمیں مردہ حالت میں پائی گئیں۔ ان کی عمر 28 سال تھی۔

گوہاراپاپ گروپ کارا کی سابق ممبر تھی جس میں وہ 2008 میں شامل ہوئی تھیں۔

مبینہ طورپرخودکشی سے قبل انسٹاگرام پوسٹ میں گوہارا نےآخری پوسٹ شیئر کی جس میں فالوورز کو شب بخیر کہا ۔ کورین پولیس نے گوہارا کی موت کی تحقیقات شروع کردی ہیں۔

پولیس کاکہناتھاکہ ممکن ہے گوہارا نے خودکشی کی ہو۔گلوکارہ نےاس سے پہلے مئی میں بھی خودکشی کی کوشش کی تھی تاہم وہ محفوظ رہیں اور کافی روز تک اسپتال میں زیرعلاج رہیں۔

گوہارانےاپنی موت سے ایک ہفتہ قبل دوبارہ اپنی شوبز کی سرگرمیاں شروع کردی تھیں اور ایک سیریز میں کارکردگی پیش کی تھی۔ گوہارا نے خودکشی کی کوشش سے اپنے پرستاروں کوپہنچنے والے دکھ اور صدمے پر ان سے معافی بھی مانگی تھی۔