ڈرامہ سیریل ’میرے پاس تم ہو‘مقبولیت میں سب کو پیچھے چھوڑتا جارہا ہے، اداکار ہمایوں سعید، عائزہ خاز اور عدنان صدیقی بترین اداکار کےطور پرسامنے آئے ہیں۔

میرے پاس تم ہو ہر قسط کے بعد اس کے حوالے سے سوشل میڈیا پر بحث کا ایک نیا سلسلہ چل پڑتاہے،جبکہ مداح آنے والی اقساط کا بھی بےصبری سے انتظار کرتے نظر آرہے ہیں۔

ہرکوئی جاننا چاہتا ہے کہ اس ڈرامے میں آگے کیا ہوگا، ڈرامے میں اہم کردار نبھانے والے عدنان صدیقی نے ایک انٹرویو میں ڈرامے کی آخری قسط کے حوالے سے انکشاف کردئیے۔

ایک ویڈیو انٹرویو میں عدنان صدیقی کا کہنا تھا کہ ‘آخری قسط میں ایک سین آتا ہے جس میں وہ اپنے والد کی بات کررہا ہے، میں اس سین کو دیکھ کر رو پڑا، یقیناً اسے اپنے والد یاد آگئے ہوں گے، مجھے بھی اپنے والد یاد آگئے تھے۔‘

عدنان صدیقی نےہمایوں سعید کے کردار نبھانے کے منفرد انداز کی پذیرائی کرتے ہوئے کہاکہ ‘جس طرح سےانہوں نے اپنے والد کا زکر کیا، ہمایوں نے بہترین انداز میں یہ سین نبھایا‘۔

عدنان صدیقی نےانٹرویو میں یہ بھی کہا کہ انہیں اس ڈرامے میں منفی کردار نبھانے کے لیے کافی گالیاں سننی بھی پڑ رہی ہیں تاہم وہ خوش ہیں کہ لوگوں کو ان کی اداکاری پسند آئی۔

کچھ عرصہ قبل اداکارہ حرا مانی نےبھی ایک انٹرویو میں یہ بھی انکشاف کیا تھا کہ اس ڈرامے کے آگے جاکر دو قتل بھی ہوں گے۔

عدنان صدیقی کے اس انٹرویو کے بعد یہ بات ضرور واضح ہوجاتی ہے کہ ہمایوں سعید اورعدنان صدیقی دونوں اس ڈرامے کی آخری قسط تک ڈرامے کا حصہ رہیں گے۔