آج ہم آپ کو ایسی نا مور شخصیات کے با رے میں بتا رہے ہیں جو اپنی، اپنی فیلڈ میں تو کامیاب ہیں ہی لیکن ان کی قابل ذکر با ت یہ بھی ہے کہ وہ قرآن حا فظ  ہیں۔

تفصیلات کے مطابق ان شخصیات کو سب ٹی وی سکرین پراور کھیل کے میدان میں تو دیکھتے ہیں لیکن آپ کو ان کی ذاتی زندگی کے بارے زیادہ معلومات کا علم نہیں ہوگا۔

آج ہم آپ کو بتائیں گے کہ کونسی نا مور شخصیات ایسی بھی ہیں جنھیں حقیقی زندگی میں قرآن پاک حفظ کرنے کی سعادت حاصل ہے۔

بالی ووڈ اسٹار بھی’متنازع بھارتی شہریت بل‘ کے خلاف سامنے آگئے

اس فہرست میں سب سے پہلے بالی ووڈ فلم انڈسٹری کے معروف اداکار قادر خان کے بارے میں بتاتے ہیں جن کے بارے بہت ہی کم لوگ جانتے ہیں کہ انہوں نے قرآن پاک حفظ کررکھا ہے۔

قادر خان

ذرائع کے مطابق قادرخان آج کل اپنے دو بیٹوں کے ساتھ بھارت سے باہر رہائش پذیر ہیں اور بیماری کی وجہ سے تقریباً وہ اپنی یادداشت بھی کھو چکے ہیں۔

سرفراز احمد

پاکستان کرکٹ ٹیم کو چیمپئنز ٹرافی کا تحفہ دینے والے سابقہ قومی کپتان سرفراز احمد بھی حافظ قرآن ہیں جبکہ سرفرازاکثر اوقات نعت خوانی کا شوق بھی پورا کرتے رہتے ہیں اور رمضان المبارک میں تراویح بھی پڑھاتے ہیں.

محمد حفیظ

پاکستان کرکٹ ٹیم کے آل راﺅنڈر اور کرکٹ میں پروفیسر کے نام سے شہرت حاصل کرنے والے سابق کپتان محمد حفیظ بھی حافظ قرآن ہیں، جن کا تعلق صوبہ پنجاب کے شہر فیصل آباد سے ہے۔

سعید اجمل

کرکٹ کو خیر با د کہنے والےسابق جادو گر آف سپنر سعید اجمل نے بھی قرآن پاک حفظ کررکھا ہے اور ان کا تعلق بھی فیصل آباد سے ہی ہے۔

عمران ہاشمی

بالی ووڈ کے معروف اداکار اور اپنی رومانوی فلموں کی وجہ سے شہرت حاصل کرنے والے ہیرو عمران ہاشمی نے بھی قرآن مجید حفظ کرنے کی سعادت حاصل کررکھی ہے ،اداکار کے والد مسلمان ہیں جبکہ ان کی والدہ معروف ڈائریکٹر مہیش بھٹ کی بہن ہیں۔

سعود

پاکستان کے فلم سٹار،میزبان اور ڈرامہ پروڈیوسر سعود قاسمی جن کا تعلق ایک مذہبی گھرانے سے ہےوہ بھی حافظ قرآن ہیں۔

شفقت چیمہ

پاکستانی فلم انڈسٹری کا جانا مانا نام اورولن کے کردار سے شہرت حاصل کرنے والے اداکار شفقت چیمہ کے بارے میں بھی بہت کم لوگ جانتے ہیں کہ انہوں نے بھی قرآن پاک حفظ کررکھا ہے اور اس بات کا انکشاف اداکار نے ایک ٹی وی پروگرام میں کیا تھا۔