دو ٹکے کی عورت کہنے پرہمایو ں سعید عدالت طلب

شبین رضا

30th Jan, 2020. 02:47 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

دو ٹکے کی عورت کہنے پرہمایو ں سعید عدالت طلب

دو ٹکے کی عورت کہنے پرنا مور اداکارہمایو ں سعید کو عدالت طلب کر لیا گیا ہے۔

تفصیلات کے مطابق سندھ ہائی کورٹ نے پاکستانی ڈراما سیریل میرے پاس تم ہو جوکہ گزشتہ ہفتے اختتام پذیر ہو چکا ہے ، میں خواتین کی کردار کشی کے الزام کے تحت دائر درخواست پر سیریل کے اہم کردار ہمایوں سعید کو 13 فروری کو ذاتی حیثیت میں عدالت طلب کر لیا ہے۔

ماہرہ خان بھی ہمایوں سعید کے گن گانے پر مجبور

ذرائع کے مطابق فاضل عدالت نے پیمرا اور دیگر مدعا علیہان کو آئندہ سماعت کے لیے نوٹس بھی جاری کر دیئے ۔

جسٹس محمد علی مظہر اور جسٹس یوسف علی سعید پر مشتمل بینچ نے ثنا سلیم کی درخواست کی سماعت کی۔

عدالت کا کہنا تھا کہ ہمایوں سعید خود وضاحت کریں کہ انہوں نے ایسے مکالمے کیوں ادا کیے ۔

واضح رہے کہ ڈرامے کے خلاف لاہور میں بھی درخواست دائر کی گئی تھی۔

درخواست گزار کا کہنا ہے کہ ڈرامے میں خواتین کی کردار کشی کی گئی۔

عدالت نے استفسار کیا کہ ڈراما مانیٹرنگ کا کوئی طریقہ ہے ؟ کوئی اِن ہاؤس سینسرشپ بھی ہے ؟ عدالت نے درخواست گزار سے بھی استفسار کیا کہ کیا آپ کو آخری قسط پر بھی کوئی اعتراض ہے ۔

درخواست گزار کا کہنا تھا کہ آخری قسط پر کوئی اعتراض نہیں۔

پیمرا نے عدالت کو بتایا کہ ہماری پالیسی ہے کہ ڈرامے کی زبان اور منظر نگاری اخلاق کے دائرے میں ہو ۔