لالی ووڈ اداکارہ میراجی نے فلمی کیریئر میں آنے والی مشکلات کے بارے میں بتاتے ہوئے کہا کہ ’یہ مشکلات تو زندگی کا حصہ ہیں، وزیراعظم پاکستان عمران خان سے منسلک جملہ دہراتے ہوئے انہوں نے کہا کہ ’سکون تو صرف قبرمیں ملتا ہے‘۔

اداکارہ میرا جی نے بالی ووڈ اداکار اورمعروف رئیلٹی شو بگ باس سے شہرت پانے والے اشمیت پٹیل سے شادی نے کرنے کا رازبھی فاش کردیا ہے۔

میرا جی نے بھارتی اداکاروں کی جانب سے شادی کی پیشکش کورد کرنے کی وجہ بتاتے ہوئے کہاگیا ہے کہ میری فیملی نے اس شادی سے انکار کردیا تھا جبکہ بھارتی فلمساز مہیش بھٹ کی جانب سے بالی ووڈ اداکار اشمیت پٹیل سے شادی نہ کرنے سے متعلق میرا نے کہا کہ اشمیت پٹیل کا تعلق ایک ہندو فیملی سے تھا اور ہم سید ہیں لہٰذا ہماری شادی نہیں ہوسکتی تھی۔

ایک انٹرویو کے دوران میرا نے بات کرتے ہوئے اپنے زندگی کے کئی پہلووں اور واقعات کا ذکر کیا۔ میرا نے بتایا کہ وہ 10 سال کی عمر سے فلم انڈسٹری میں کام کررہی ہیں اور انڈسٹری میں جہاں ان کے کئی دوست ہیں وہی دشمن بھی ہیں۔

میراجی کا کہناتھاتھا کہ انہیں بالی ووڈ میں مادھوری ڈکشٹ اور لالی ووڈ میں اداکارہ نیلی اور مرینہ خان بے حد پسند ہیں اور وہ ان کی طرح بننا چاہتی تھیں۔

اداکارہ ماہرہ خان کے بارے میں اپنے خیال کااظہارمیرا جی نے ڈھکے چھپےلفظوں میں کرتے ہوئے کہا کہ  ’ماہرہ اگر اداکارہ نہ ہوتیں توگھریلوخاتون ہوتیں‘۔  جب کہ مہوش حیات سے متاثر نظرآتے ہوئے انہوں نے کہا کہ مہوش ڈاکٹریاورکنگ وومن ہوتیں اس کے علاوہ اگر اداکارہ ریشم اداکارہ نہ ہوتیں تو میوزک کے شعبے میں کام کررہی ہوتیں ۔

خود اپنے بارے میں میرا جی کافی خوش فہمی کا شکار نظر آئیں اور بولیں کہ ’میں اگرانڈسٹری سے وابستہ نہ ہوتی توضرور ٹیچر ہوتی‘۔ اس کے علاوہ میرا جی نے بتایا کہ انہیں انگریزی بولنے کا بہت شوق ہے۔

اداکارہ میرا نے فواد خان کو کم دوست بنانے اور زیادہ میل جول نہ رکھنے والا شخص قرار دیا۔ جبکہ انٹرویو کے ریپیڈ فائر سیشن میں انہوں نے وزیراعظم عمران خان کو صاف اورشفاف شخص، نواز شریف کو اچھا لیڈر، شہباز شریف کو کام کرنے والا اچھا سیاست دان اور بلاول بھٹو زرداری کو ہینڈسم قرار دیا۔