پاکستان شوبزانڈسٹری کی ستارہ امتیازحاصل کرنے والی مہوش حیات ایک بہترین اداکارہ تو ہیں ہی لیکن حالات حاظرہ پر بھی خوب نظر رکھتی ہیں اوراس بارے میں اپنے خیالات کا اظہار کرتی رہتی ہیں۔

اداکارہ کی جانب سےگزشتہ روز امریکی فضائی حملے میں جاں بحق ہونے والے ایرانی کمانڈر قاسم سلیمانی کے قتل کی بھی مذمت کی گئی ہے۔

انہوں نے سماجی رابطے کی ویب سائٹ ٹوئٹر پر اپنے پیغام میں لکھا کہ ’یقین نہیں ہو رہا کہ نئے سال کے 72 گھنٹے گزرنے کے بعد ہی دنیا جنگ کے دہانے پر کھڑی ہے۔‘

Can’t believe that just 72 hours into 2020 & the world is already teetering on the edge of war. I guess this is wht happens when the "leader of the free world"takes unilateral decisions without regard for international laws. This isn’t just abt Iran &USA.God protect us #Soleimani

Advertisement

— Mehwish Hayat TI (@MehwishHayat) January 3, 2020

مہوش حیات نے لکھا کہ ’ایسا تب ہی ہوتا ہے جب آزاد ممالک کے رہنما بین الاقوامی قوانین اورحالات کی پرواہ کئے بغیر یکطرفہ فیصلےکرتے ہیں اور یہ صرف ایران اور امریکا تک ہی محدود نہیں، اللّہ ہماری حفاظت کرے۔‘

اداکارہ نےاپنے ٹوئٹ کے آخر میں ہیش ٹیگ ’سلیمانی‘ بھی لکھا۔

مہوش کے ٹوئٹ پر ایک صارف نے خواتین کی بین الاقوامی امور کو سمجھنے کی صلاحیت پر سوال اٹھایاگیا تو مہوش کی جانب سے بھی بھرپور جواب دیا گیا۔

ایک صارف نے مہوش کے ٹوئٹ پر طنزکرتے ہوئے لکھا کہ ’جب سے خواتین نے بین الاقوامی امور میں دلچسپی لینا شروع کیا ہے۔‘

Since when women started understanding international affairs.

— Sabka baap (@Rahulve95953061) January 3, 2020

مہوش نے صارف کو جواب دیتے ہوئے لکھا کہ ’ فرانس کی عظیم خاتون جون آف آرک، حسن و خوبصورتی کی شاہکار قدیم مصری ملکہ قلوپطرہ، برطانیہ کی پہلی خاتون وزیرِاعظم مارگریٹ تھیچر اور پاکستان کی واحد خاتون وزیر اعظم بے نظیر بھٹو شہید کا نام لیتے ہوئے کہا کہ یہ تو محض چند نام ہیں۔

انہوں نے صارف کو تنبیہ کرتے ہوئے کہا کہ ’وہ وقت آن پہنچا ہے کہ آپ اپنی اس چھوٹی جگہ سے باہر آجائیں جہاں آپ رہ رہے اور کافی سے لطف اندوز ہورہے ہیں‘۔