ہالی وڈ فلم 1917 نےبرٹش اکیڈمی آف فلم اینڈ ٹیلے ویژن آرٹس (بافٹا ) کے بہترین فلم اور بہترین ڈائریکٹرکے ایوارڈزبھی جیت لیے۔

تفصیلات کے مطابق  1917  نے بہترین فلم اوربہترین ڈائریکٹرکےبافٹاایوارڈ جیت لیے ، بہترین اداکار کے اعزاز جوکر کے یاکین فونکس کے حصے میں آیا جبکہ رِینی زیل ویگر بہترین اداکارہ قرار پائیں۔

برٹش اکیڈمی آف فلم اینڈ ٹیلے ویژن آرٹس (بافٹا )ایوارڈز کی رنگا رنگ تقریب لندن میں ہوئی۔ ریڈ کارپٹ پر فلم اور ٹی وی کے معروف ستاروں نے جلوے بکھیرے، شہزادہ ولیم اور شہزادی کیٹ نے بھی ریڈ کارپٹ پر انٹری دی۔

جنگ عظیم اول کی کہانی پر مبنی فلم 1917  نے دی آئرش مین، جوکر ، ونس اپان اے ٹائم ان ہالی ووڈ اور پیراسائٹ کو شکست دے کر بہترین فلم کا بافٹا ایوارڈ جیتا۔

1917  کے ڈائریکٹرسام مینڈیزنے مارٹن اسکورسیسی اورکوئنٹن ٹرن ٹینو جیسےہدایت کاروں کوشکست دیتےہوئےبہترین ڈائریکٹرکا ایوارڈ اپنےنام کیا۔

 جبکہ بہترین اداکارکابافٹاایوارڈ’جوکر‘ کےیاکین فینکس نےحاصل کیا ۔ ان کے مقابلے میں لیونارڈو ڈی کیپریو،ایڈم ڈرائیور، ٹیرون ایگرٹن اور جوناتھن پرائس تھے۔

بہترین اداکارہ کاایوارڈ رینی زیل ویگر کو ’جوڈی‘ میں یادگارکرداردا کرنےپردیا گیا۔ رینی نے جیسی بکلے ،اسکارلیٹ جوہانسن ، سیوئرس رونن اور چارلیز تھیرون کو شکست دے کر بہترین اداکارہ کا ایوارڈ جیتا۔

جنوبی کاریائی فلم ’’پیراسائٹ نے بہترین اسکرین پلے سمیت بافٹاکےدوایوارڈزاپنےنام کئے ۔

بریڈپٹ نےونس اپون اے ٹائم ان ہالی ووڈ میں بہترین معاون اداکارجبکہ لوراڈرن نےبہترین معاون اداکارہ کابافٹاایوارڈ اپنےنام کیا ۔