پاکستان کے معروف گلوکار علی عظمت نے گلوکار علی ظفر کے گانے کے حوالے سے رائے پیش کر دی۔

تفصیلات کے مطابق گلوکار علی عظمت نے سماجی رابطے کی ویب سائٹ انسٹاگرام پر ’تیار ہیں‘ گانے کی ویڈیو کا اسکرین شوٹ لے کر ایک پوسٹ شئیر کی ہے۔

https://www.instagram.com/p/B9ATyetBEwH/?utm_source=ig_web_copy_link

علی عظمت نے شئیر کی جانے والی پوسٹ کی کیمشن میں لکھا کہ  ہر سال پی ایس ایل کے آغاز سے قبل ایک ترانہ جاری کیا جاتا ہے جس کا ہرگز مقصد پچھلی بار آنے والے گانے کا مقابلہ نہیں ہوتا۔

پاکستان سُپر لیگ پی ایس ایل کے پانچویں ایڈیشن کا آفیشل ترانہ  تیار کرنے والے گلوکار علی عظمت نے پہلی بار علی ظفر کے نئے پی ایس ایل ترانے کے بارے میں لب کشائی کی ہے۔

علی ظفر نے مداحوں کا شکریہ ادا کر دیا

انہوں نے لکھا کہ ہر ریلیز کئے جانے والے ترانے کا مقصد اس خاص ایونٹ کی خوشیوں میں اضافہ کرنا ہوتا ہے ، ہمیں بحیثیت قوم اسے سراہنا اور اپنانا چاہیئے۔

علی عظمت نے علی ظفر کی جانب سے جلد ہی جاری کئے جانے والے متوقع ترانے پر ردعمل دیتے ہوئے کہا کہ ہم ساتھی فنکاروں کی جانب سے کرکٹ اور وطن عزیز سے محبت میں ریلیز کئے جانے والے ترانوں کا خیر مقدم کرتے ہیں۔

گلوکار علی عظمت نے لکھا کہ ایسا لگتا ہے کہ ہم اتحاد کا درس بھول چکے ہیں، بس جو گلوکار گانا گا رہا ہے اسی پر توجہ مرکوز کئے ہوئے ہیں

انہوں نے مزید لکھا کہ ’پاکستان ہے ہمارا، پاکستان ہے تمھارا۔‘

یاد رہے گلوکار علی عظمت نے کیمشن کے آخر میں پاکستان زندہ آباد کا اضافہ بھی کیا۔

یاد رہے کہ پی ایس ایل 5 کا نیا گانا لوگوں کی اُمیدوں پر نہیں اُترا تھا لہزا مداحوں نے علی ظفر سے درخواست کی کہ پی ایس ایل کا نیا گانا تیار کریں اور مداحوں کے اسرار پر علی ظفر نے گانا تیار بھی کر لیا۔

Lo G! The song is ready. Now time for the video. But this time, you can be the star and feature in it. Watch this video to understand what you need to do! You can see the longer version on my YouTube and subscribe https://t.co/gBub1wo5R7 #bhaeehazirhai pic.twitter.com/0Oo0RMbx42

— Ali Zafar (@AliZafarsays) February 24, 2020

واضح رہے کہ گلوکار علی ظفر نے گزشتہ روز جاری کردہ ویڈیو میں بتایا کہ پی ایس ایل کا گانا تیار ہیں جو جلد پیش کر دیا جائے گا۔