پاکستانی فلم میں ایکشن پررومانس کا تڑکہ لگنے والا ہے، شوبز انڈسٹری کی معروف جوڑی عروہ حسین اور فرحان سعید کی مشترکہ پروڈکشن میں بننے والی فلم   ٹچ بٹن کا پہلا ٹیزر سامنے آ گیا۔

 تفصیلات کے مطابق نئی پاکستانی فلم ٹچ بٹن کا ٹیزر دیکھتے ہی سوشل میڈیا پر وائرل ہو گیاہے جس میں شہر اور گاؤں کی زندگی کی رونمائی کی گئی ہے۔

ایک منٹ چار سیکنڈ دورانیے پر مبنی فلم کے اس ٹیزر میں فلم کے دونوں مرکزی کردار فیروز خان اور فرحان سعید کو ایکشن میں دکھایا گیاہے۔

’ٹچ بٹن‘ فلمی دنیا میں فرحان سعید کی پہلی فلم ہےاور دلچسپ بات یہ ہے کہ اس فلم کی پروڈکشن ان کی بیوی اداکارہ عروہ حسین کررہی ہیں جبکہ اس فلم کی ہدایات قاسم علی مرید دے رہے ہیں

فلم کا ٹیزر فرحان سعید نے اپنے انسٹاگرام اکاؤنٹ پر شیئر کیا۔

فلم کے ٹیزر کو سوشل میڈیا پر خوب پذیرائی مل رہی ہے۔

دوسری جانب فلم ’ماہِ میر‘ میں اپنی جاندار اداکاری سے سب کو حیران کرنے والی ایمان علی فلم’ٹچ بٹن‘ میں اپنے کیرئیر کے ایک منفرد کردار میں نظر آئیں گی ۔

فلم ’ٹچ بٹن‘ میں فرحان سعید، فیروز خان ،ایمان علی اور سونیا حسین سمیت دیگر نامور فنکار اپنی اداکاری کے جوہر دکھائیں گے۔فلم رواں سال عیدالفطر کے موقع پر ریلیز کی جائے گی۔

خیال رہے کہ کچھ عرصہ قبل اداکارہ عروہ حسین نے مشہور ترین ڈرامہ سیریل ’میرے پاس تم ہو‘ میں ہانیہ کا کردار چھوڑنے کی وجہ بتا اپنی پروڈکشن میں بننے والی فلم ’ٹچ بٹن‘ کو بتایا تھا۔

ایک انٹرویو کے دوران عروہ حسین نےانکشاف کرتے ہوئےبتایاتھا کہ مشہور ڈرامہ  ’میرے پاس تم ہو‘ میں ہانیہ کا جو کردار حرامانی نے نبھایا دراصل وہ کردار میں کررہی تھی یہاں تک کہ کئی قسط بھی ریکارڈ ہوگئی تھیں لیکن اس دوران میں فلم’’ٹچ بٹن‘‘ جوکہ میری پروڈکشن پر مبنی ہے اس کی شوٹنگ کے لئے پنجاب کے شہر ننکانہ صاحب چلے گئی تھی۔

عروہ حسین نےکہا کہ ننکانہ صاحب میں فلم کا بڑا سیٹ لگنےکی وجہ سے میں اس قدرمصروف ہوگئی تھی کہ شوٹنگ چھوڑ کے آنا ناممکن تھااور یہ بدقسمتی ہی تھی کہ میں نے اس وقت ڈرامے کے ہدایت کار ندیم بیگ سے مزید کام جاری رکھنے پر معذرت طلب کرلی جس پر وہ مجھ سے بے حدناراض بھی ہوئے۔

اداکارہ عروہ نے مزید کہا کہ فلم ’’ٹچ بٹن‘‘ کی شوٹنگ جیسے ہی مکمل ہوئی میں اور میں واپس آئی توباقائدہ طور پرندیم بیگ کے پاس جا کر معافی بھی مانگی کیوں کہ وہ وقت میرے لئےمشکل ترین وقت تھا۔