پاکستان کی اداکارہ ہانیہ عامر نے گلوکار عاصم اظہر سے طنزیہ سوال  کر ڈالا۔

تفصیلات کے مطابق  پی ایس ایل ایڈیشن فائیو کے چوتھے روز کے پہلے میچ میں کراچی کنگز کی کوئٹہ گلیڈی ایٹرز کے ہاتھوں شکست کے بعد اداکارہ نے گلوکار سے سوال کیا۔

گزشتہ روز کراچی کے نیشنل اسٹیڈیم میں کوئٹہ گلیڈی ایٹرز نے کراچی کنگز کو 5 وکٹوں سے شکست دی تھی۔

شکست کے بعد اداکارہ ہانیہ نے سماجی رابطے کی ویب سائٹ انسٹاگرام پر ٹوئٹ کرتے ہوئے عاصم اظہر  سے سوال کیا کہ ’کیوں عاصم اظہر ہم کراچی کنگز کو آسان لیں یا نہیں؟

https://twitter.com/realhaniahehe/status/1231602773273214982

ہانیہ عامر نے اپنے ٹوئٹ میں لکھا کہ  ’آپ سوچ کر بتائیے گا۔‘

اس کے علاوہ اُنہوں نے اپنے ٹوئٹ میں دو ہیش ٹیگ بھی استعمال کیے KKvQG اور HUMZALMI

ہانیہ کے اس ٹوئٹ پر گلوکار عاصم بھی خاموش نا رہے اور ٹوئٹ کیا کہ پڑوسی کی جیت پر اتنا غرور۔

عاصم اظہر نے لکھا کہ کنگزاور زلمی کے آمنے سامنے ہونے کے بعد کنگز نے زلمی کو ہرایا تھا۔

https://twitter.com/AsimAzharr/status/1231658070423588867

گلوکار نے یہ بھی کیمشن کی کہ اب کراچی کنگز اور پشاور زلمی کے اگلے میچ پر بات ہوگی۔

یاد رہے کہ پی ایس ایل فائیو کے دوسرے دن کے پہلے میچ میں کراچی کنگز نے پشاور زلمی کو شکست دی تھی جس کے بعد عاصم اظہر نے ٹوئٹر پر ہانیہ عامر کو خبردار کرتے ہوئے ٹوئٹ کیا تھا۔

گلوکارعاصم اظہر نے لکھا تھا کہ مانا کہ آپ کی زلمی کی ٹیم اچھی ہے لیکن کراچی کو بھی آسان نہیں لینا۔

https://twitter.com/AsimAzharr/status/1230876515711188998

واضح رہے کہ پی ایس ایل فائیو کا آغاز 20 فروری کو ہوا تھا۔