آئی ایس پی آر کے تعاون سے بنائے جانے والا مقبول ڈرامہ سیریل عہدِ وفا کی آخری قسط کی تصاویر لیک ہوگئی ہے۔

نیلم منیرکو قیمتی ترین تحفہ مل گیا

تفصیلات کے مطابق سوشل میڈیا پر اس ڈرامے کی آخری قسط کی متعدد تصاویر وائرل ہو گئی ہیں جنھیں دیکھ کر با آسانی اندازہ لگایا جا سکتا ہے کہ اس کا انجام کیاہو گا۔

 گزشتہ قسط میں دکھا یا گیا کہ مرکزی کردار کیپٹن سعد کی پوسٹنگ شمالی وزیرستان میں ہوجاتی ہے جہاں وہ  دہشت گردوں کے خلاف خفیہ کارروائی کے لیے ایک گھر میں داخل ہوتے ہیں تاہم اُس دوران ایک دھماکا ہوتے ہوئے دکھایا جاتا ہے۔

ڈرامے کی آخری قسط کے حوالے سے جو تصاویر لیک ہو ئیں ہیں انھیں دیکھ کر سوشل میڈیا پر ایک نئی بحث چھڑ گئی کہ اُس دھماکے میں سعد زخمی ہوا ہے یا وہ دھماکا محض ایک دھماکا ہی تھا؟ اس کی شادی زخمی ہو نے سے پہلے ہو ئی یا بعد میں؟

یہ بھی کہا جا رہا ہے کہ دھماکے میں ممکن ہے کہ سعد زخمی ہوا ہو اور اُس کے دوست سعد کی عیادت کے لیے اسپتال آئے ہوں جو کہ تصویر میں نظر آرہے ہیں۔

واضح رہے کہ آئی ایس پی آر کے تعاون سے بنائے جانے والا ڈرامہ ’عہدِ وفا‘  چار لڑکوں کی دوستی پر مبنی  ہے جس میں احد رضا میر، احمد علی اکبر، اسامہ خالد بٹ اور وہاج علی مرکزی کردار ادا کر رہے ہیں۔

ان کے علاوہ زارا نور عباس، علیزے شاہ، حاجرہ یامین اور ونیزہ احمد بھی اہم کردار ادا کر تی نظر آرہی ہیں۔