معروف پاکستانی اداکارہ ماریہ واسطی نے  کراچی کنگز کو فتح پر مبارکباد پیش کی۔

تفصیلات کے مطابق سماجی رابطے کی ویب سائٹ ٹویٹر پر اپنے ایک پیغام میں معروف پاکستانی اداکارہ ماریہ واسطی نے  کراچی کنگز کو فتح پر مبارکبادپیش کردی ۔

Congratulations @KarachiKingsARY wonderfull performance ❤️#KKvLQ #PSL2020 #Karachi #KarachiKings pic.twitter.com/U16EQFViO1

— Maria Wasti (@mariawastimw) March 12, 2020

یاد  رہے کہ  پاکستان سپر لیگ فائیو کے کراچی میں ہونے والے 26 ویں میچ میں کراچی کنگز نے یک طرفہ مقابلے میں لاہور قلندرز کو 10 وکٹوں سے شکست دے دی۔

کراچی نے 151 رنز کا ہدف 17.1 اوور ز میں حاصل کرلیا، اوپنرز بابر اعظم اور شرجیل خان بالترتیب 69 اور 74 رنز بناکر ناقابل شکست رہے۔

قبل ازیں کراچی کے نیشنل اسٹیڈیم میں کھیلے گئے میچ میں کنگز کے کپتان عماد وسیم نے ٹاس جیت کر قلندرز کو پہلے بیٹنگ کی دعوت دی۔

کراچی کنگز نے لاہور قلندرز کو 10 وکٹوں سے شکست دے دی

قلندرز نے پہلے کھیلتے ہوئے مقررہ 20 اوورز میں 5 وکٹوں کے نقصان پر 150 رنز بنائے۔

لاہور قلندرز  نے اپنی اننگز کا آغاز  محتاظ انداز میں کیا اور اس کی پہلی وکٹ 49 رنز پر گری جب فخر زمان 17 رنز بناکر عمید آصف کی گیند پر بولڈ ہوگئے۔

ان کے بعد کرس لین اور ان فارم بیٹسمین بین ڈنک کوئی خاطر خواہ کارکردگی نہ دکھا سکے اور دونوں بالترتیب 5 اور 9 رنز بنا کر آؤٹ ہوگئے۔

واضح رہے کہ اس سے قبل قذافی اسٹیڈیم لاہور میں ہونے والے پہلے ٹاکرے میں لاہور نے کراچی کو شکست دی تھی۔

لاہور قلندرز اپنے 9 میچوں میں سے 4 میں کامیابی کے ساتھ اس وقت پوائنٹس ٹیبل پر  8 پوائنٹس کے ساتھ چوتھے نمبر پر ہے جب کہ کراچی 8 میچ کھیل کر 9 پوائنٹس کے ساتھ دوسرے نمبر پر پہنچ گیا ہے۔