خانہ کعبہ میں اذان دینا زندگی کی سب سے بڑی خواہش ہے

شبین رضا

11th Jun, 2020. 11:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خانہ کعبہ میں اذان دینا زندگی کی سب سے بڑی خواہش ہے

گزشتہ دنوں کورونا وائرس کی صورتحال کے دوران عاطف اسلم نے اپنی سحر انگیز آواز میں اذان کی ویڈیو جاری کی تھی جسے مداحوں کی جانب سے پسند کیا گیا تھا۔

ایک نجی ٹی وی کے پروگرام میں گفتگو کرتے ہوئے عاطف اسلم نے مسجد الحرام میں اذان دینے کی خواہش کا اظہار کیا ہے۔

ایک سوال کے جواب میں عاطف اسلم کا کہنا تھا کہ ’دنیا کے ساتھ ساتھ دین کو بھی رکھنے کی کوشش کررہا ہوں، انسان ہوں ، انسان سے غلطیاں ہوتی ہیں‘۔

گلوکاری چھوڑے سے متعلق سوال پر انہوں نے کہا کہ ’میں میوزک نہیں چھوڑنے والا اور نہ ہی چھوڑوں گا، دماغ میں ایسا کوئی سلسلہ نہیں کہ میوزک چھوڑ دوں‘۔

ان کا کہنا تھا کہ ایک دعا ہمیشہ ہوتی ہے کہ میں خانہ کعبہ (مسجد الحرام) میں اذان دے دوں، اس کی سفارش کرنے والے انسان کے لیے ساری زندگی کام کرنے کو تیار ہوں۔

واضح رہے کہ رمضان المبارک میں بھی عاطف اسلم نے اللہ تعالیٰ کے 99 ناموں ‘اسماءالحسنیٰ’ کو اپنی خوبصورت آواز میں پڑھ کر سب کو محظوظ کیا تھا۔

عاطف اسلم نہ صرف پاکستان بلکہ بھارت میں بھی مشہور ہیں اور کئی بالی وڈ فلموں کے لیے اپنی آواز کا جادو جگا چکے ہیں۔