پاکستانی ڈرامہ انڈسٹری کے ورسٹائل اداکارنعمان اعجازکا کہنا ہے کہ میری ذاتی رائے ہے کہ ہماری ڈرامہ انڈسٹری کو پھانسی دے دینی چاہیئے۔

تفصیلات کے مطابق نعمان اعجازنے انسٹاگرام کے لائیوسیشن کے دوران  ڈرامہ نشر کرنے والے نجی ٹی وی چینلز سے متعلق با ت کرتے ہوئے کہا کہ سب ہی چینلزایک طرح کے ڈرامہ دکھارہے ہیں جب کہ پہلے کے ڈراموں میں چاروں صوبوں کی ثقافت، روایتوں، رسم ورواج کو عکسبند کیا جاتا تھا جب کہ آپ ان ڈراموں کے دیکھ کر بہت سی نئی معلومات بھی حاصل کیا کرتے تھے۔

انھوں نے غصے کا اظہارکرتے ہوئے کہا کہ آج کے ڈراموں میں یہ دکھایا جارہا ہے ایک خاتون کسی اور کے شوہرکوپسند کرتی ہے لیکن  شادی کسی اورسے کرتی ہے۔

نہ صرف یہ بلکہ ایک دوسرے سے یا ایک دوسرے کے لیے بدلہ لیتے دیکھ کرہی ڈراموں کا اختتام ہوجاتا ہے۔

نعمان اعجاز نے کہا کہ اصل ڈرامے ختم ہی ہوگئے ہیں، انڈسٹری کو جاگنے کی ضرورت ہے، یہاں ہم کسی بھی ایک چینل کوذمہ دار نہیں ٹہراسکتے ہیں، ہم جتنی منفی چیزیں اپنی عوام کو دکھائیں گے وہ اپنی زندگیوں میں وہی کریں گے۔

انھوں نے مزید کہا کہ میری ذاتی رائے ہے کہ ہماری ڈرامہ انڈسٹری کو پھانسی دے دینی چاہیئے کیونکہ آج کے ڈرامے کسی کوکوئی آگاہی نہیں دے رہے ہیں ۔