معروف ٹک ٹاک اسٹار حریم شاہ نے مفتی عبدالقوی کو تھپڑ مارنےسے متعلق  ایک اور راز افشاء کردیا۔

تفصیلات کے مطابق بول نیوز سے خصوصی گفتگو کرتے ہوئے حریم شاہ کا کہنا تھا کہ مفتی عبدالقوی کو انہوں نے اپنے پروگرام میں مدعو کیا تھا۔

حریم شاہ نے مزید کہا کہ انہیں بہت عزت سے ٹھہرایا اور ان کی اچھی خاطر تواضع کی تاہم ان کی جانب سے نازیبا حرکت کیے جانے پر میں نے انہیں مارا۔

معروف ٹک ٹاک اسٹار کا مزید کہنا تھا کہ میں نے انہیں صرف تھپڑ ہی نہیں مارا بلکہ اس سے پہلے انہیں جوتوں سے بھی مارا۔

حریم شاہ کا کہنا ہے کہ وہ مفتی عبدالقوی کی نازیبا گفتگو کی ویڈیو جلد منظر عام پر لاؤں گی۔

مزید پڑھیں

حریم شاہ نے مفتی عبدالقوی کو تھپڑ مار دیا

تنازعات کے شکار مفتی عبدالقوی کی  ایک اور متنازع ویڈیو وائرل ہوگئی۔...

دوسری جانب مفتی عبدالقوی کا بول نیوز سے گفتگو کرتے ہوئے کہنا تھا کہ میں مہمان تھا،حریم شاہ کی دعوت پر ہی آیا تھا۔ دوست کے گھر جارہا تھا لیکن حریم  شاہ نے کہا کہ آپ کا کمرا گیسٹ ہاؤس میں بک ہے۔

مفتی عبدالقوی نے کہا کہ میں حریم شاہ کے گذشتہ  معاملات کی وجہ سے ان کے ساتھ جانے کو تیار نہیں تھا تاہم انہوں نے کہا میں استغفار کرتی ہوں اور  آپ میرے رہبر و رہنما  ہیں۔

انہوں نے مزید کہا کہ حریم شاہ کی سیکریٹری عائشہ نے بدتمیزی کی اور ان پر ہاتھ اٹھایا ،حریم شاہ نے ان پر ہاتھ نہیں اٹھایا، بلکہ وہ سارے واقعے کی ویڈیو بنارہی تھیں۔

مفتی عبدالقوی نے کہا کہ حریم شاہ نے اپنی شہرت کے لیے یہ سب کیا ۔میں اپنا معاملہ اللہ کے سپرد کرتا ہوں۔