پاکستان فلم و ٹی وی انڈسٹری کے معروف اداکار فیروز خان نے ترکی کے جنگلات میں لگی آگ کے باعث مشکلات کا سامنا کرنے والے ترک عوام سے اظہارِ یکجہتی کیا ہے۔

تفصیلات کے مطابق اداکار نے ترکی کے لوگوں سے یکجہتی کا اظہار کرنے کے لئے ایک خصوصی انسٹا اسٹوری شیئر کی ہے۔

انہوں نے اپنی ترک عوام سے اظہارِ یکجہتی کرتے ہوئے لکھا کہ ہم ترکی کے لوگوں کے ساتھ کھڑے ہیں۔

فیروز خان نے ترکی کےعوام کی حفاظت کے لیے دعا بھی کی۔

خیال رہے کہ میڈیا رپورٹس کے مطابق ترکی کے جنگلات میں لگی آگ کے باعث چار افراد زندگی کی بازی ہار گئے جبکہ 180 افراد اس واقعے میں زخمی ہوئے۔