کسی کو پرچی یا شارٹ کٹ کہنا انتہائی غلط ہے، رمشا خان

کلثوم ہرا

24th Jul, 2021. 11:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کسی کو پرچی یا شارٹ کٹ کہنا انتہائی غلط ہے، رمشا خان

شوبز کی ابھرتی ہوئی اداکارہ رمشا خان نے لوگوں کو ہدایت کی ہے کہ کسی کے ذاتی تجربے کے بارے میں جانے بغیر ان پر تنقید نہ کریں۔

اداکارہ کا ایک ویڈیو کِلپ سوشل میڈیا پر وائرل ہوگیا ہے جس میں وہ اقربا پروری سمیت صارفین کی جانب سے فنکاروں کے لئے تنقیدی رویے پر بات کررہی ہیں۔

اس ویڈیو میں رمشا خان نے ناقدین سے متعلق کہا کہ جو لوگ اس طرح سوچتے ہیں کہ کوئی فنکار اقربا پروری کے طور پر انڈسٹری میں آیا ہے، یا کسی کو جج کرتے ہیں تو آپ کو نہیں پتا کہ یہاں تک پہنچنے کے لئے اس کا سفر کیسا رہا ہے۔

انہوں نے کہا کہ لوگ پرچی پرچی کہتے ہیں لیکن انہیں نہیں معلوم ہوتا کہ جسے وہ یہ کہتے ہیں وہ کتنی محنت کررہا ہوتا ہے، خود کو ثابت کرنے اور کسی مقام پر پہنچنے کے لئے انہوں نے ناجانے کتنی راتیں یوں ہی جاگتے ہوئے گزاری ہوتی ہیں۔

رمشا نے کہا کہ کسی کو کہنا کہ یہ تو شارٹ کٹ پر آگیا ہے، یا یہ تو پرچی پر آگئی ہے بہت غلط بات ہے، ہم سے متعلق صرف خدا فیصلہ کرسکتا ہے کہ ہم کیسے ہیں، ہر کسی کی زندگی میں مشکلات ہوتی ہیں تو تھوڑا سا احساس کرلیں۔