بھارتی اداکارہ ہیما مالنی کا کہنا ہے کہ میں جس کابل کو جانتی ہیں وہ بہت خوبصورت ہے۔

معروف بھارتی اداکارہ ہیما مالنی کو افغانستان پر طالبان کے قبضے کی خبروں نے 1975 کے پرامن دورۂ افغانستان کی یاد دلا دی۔

انہوں نے ایک انٹرویو میں بتایا کہ وہ جس کابل کو جانتی ہیں وہ بہت خوبصورت ہے اور وہاں ان کا تجربہ بہت اچھا رہا۔

اداکارہ اُس وقت فیروز خان کے ساتھ فلم دھرماتا کی شوٹنگ کے لئے افغانستان گئی تھیں، انہوں نے انکشاف کیا کہ کابل ایک خوبصورت شہر ہے جہاں تب کوئی انتشار اور خوف نہیں تھا۔

انہوں نے ایک انٹرویو میں بتایا کہ وہ جس کابل کو جانتی ہیں وہ بہت خوبصورت ہے اور وہاں ان کا تجربہ بہت اچھا رہا۔

اداکارہ نے مزید کہا کہ وہ کابل کے ہوائی اڈے پر اترے تھے ، جو اس وقت ممبئی کے ہوائی اڈے کی طرح چھوٹا تھا ، اور ہم قریب ہی ایک ہوٹل میں ٹھہرے تھے۔

انہوں نے بتایا کہ ہم نے اپنی شوٹنگ کے لئے بامیان اور بندائے امیر جیسے مقامات کا سفر کیا اور واپس آتے ہوئے ہم نے ان مردوں کو ان لمبے کرتوں اور داڑھیوں کے ساتھ دیکھا، جو طالبان کی طرح دکھائی دیتے تھے، اس وقت روسی بھی افغانستان میں ایک طاقت تھے۔

ہیما مالنی نے مزید کہا کہ  اس وقت کوئی مسئلہ نہیں تھا ، یہ پرامن تھا اور فیروز خان نے پورے سفر کا انتظام کیا تھا اور یہ ایک بہت ہی منظم شوٹنگ تھی۔

اداکارہ کے والد بھی ساتھ شوٹنگ کے لئے گئے تھے اور جب وہ خیبر پاس سے گزر رہے تھے تو وہ سب بھوکے تھے اس لئے وہ ایک ڈھابے پر رک گئے۔

انہوں نے مزید بتایا کہ وہ سبزیا ں کھانے والے ہیں اور گوشت نہیں کھاتے، تو اس لئے ان لوگوں نے روٹیاں خریدیں اور انہیں پیاز کے ساتھ کھایا۔

افغانستان میں جاری صورتحال پر بات کرتے ہوئے ، اداکار نے وہاں کے شہریوں کے لئے افسوس اور ملک کے مستقبل کے لئے اپنی پریشانی کا اظہار کیا۔

خیال رہے کہ ہیما کے فلمی کیریئر کے مشہور گانوں میں سے ایک ،کیا خوب لگتی ہو کو افغانستان میں عکس بند کیا گیا تھا۔