انگین التان ایک اور تاریخی کہانی سے اسکرین پر واپسی کیلئے تیار

کلثوم ہرا

14th Aug, 2021. 11:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انگین التان ایک اور تاریخی کہانی سے اسکرین پر واپسی کیلئے تیار

پاکستان میں ترک ڈرامہ سیریز ارطغرل غازی سے مقبولیت حاصل کرنے والے اداکار انگین التان سلطنت عثمانیہ کی کہانی پر مبنی ایک اور ڈرامے سے دوبارہ اسکرین پر واپسی کررہے ہیں۔

میڈیا رپورٹس کے مطابق التان کے نئے پروجیکٹ کا نام بار بار وسلر ہے، جس کی کہانی سلطنت عثمانیہ میں مسلم بحریہ کی بے مثال تاریخ سے پردہ اٹھائے گی۔

اس ڈرامہ سیریز میں انگین التان ایک اور تاریخی کردار نبھاتے نظر آئیں گے اور اس مرتبہ وہ حیدر الدین باربروسا بنیں گے۔

حیدر الدین سلطنت عثمانیہ میں سلطان سلیمان کے دورِ اقتدار میں بحریہ عثمانیہ کے ایڈمرل تھے۔

اس حوالے سے انگین التان کا کہنا تھا کہ ٹی وی سیریز کی عکس بندی کے لئے خصوصی تیاریاں جاری ہیں۔

انگین التان نے کہا کہ انھوں نے حیدر الدین باربروسا کے بارے میں بہت پڑھا ہے اور ان کے کردار کو جاننے کے لئے ان سے متعلق لکھے گئے تقریباً 4 سے 5 ہزار صفحات بھی پڑھے ہیں۔

انھوں نے کہا کہ ہم نے اپنے آپ کو جسمانی طور پر تیار کرنا تھا اور میں اس کے لئے گزشتہ 10 ماہ سے ورزش بھی کرتا رہا ہوں۔