وزیراعلیٰ سندھ سید مراد علی شاہ نے کہا ہے صوبے بھر میں گزشتہ 24 گھنٹوں کے دوران مزید 1399 نئے کیسز سامنے آئے ہیں۔

تفصیلات کے مطابق وزیراعلیٰ سندھ سید مراد علی شاہ کا کورونا وائرس کی صورتحال پر بیان کرتے ہوئے کہنا تھا کہ صوبے بھر کے 1399 کورونا کیسز میں 830 نئے کیسز کا تعلق شہر کراچی سے ہے جبکہ کراچی شرقی میں 324، کراچی وسطی میں 178،  جنوبی کراچی میں 154، کورنگی میں 85،  ملیر میں  62 اور ضلع غربی میں 27 مزید کیسز ظاہر ہوئے ہیں۔

مراد علی شاہ کا کہنا تھا کہ گزشتہ 24 گھنٹوں میں کورونا کے مزید 19059 نمونے ٹیسٹ کئے گئے ہیں جبکہ سندھ بھر میں مجموعی طور پر کوویڈ کے 5284789 ٹیسٹ بھی کیے گئے ہیں۔

ان کا کہنا تھا کہ گزشتہ 24 گھنٹوں میں 136774 ویکسینیشن کی گئی ہیں جبکہ سندھ بھر میں بھی اب تک 9257764 یعنی 27.20 فیصد ویکسینیشن کی گئی ہیں۔

مراد علی شاہ کا کہنا تھا کہ اس وقت 46649 مریض زیر علاج ہیں جبکہ 45193 مریض گھروں میں اور 37 مریض آئسولیشن سینٹرز میں زیرعلاج ہیں۔

وزیراعلیٰ سندھ کا کہنا تھا کہ مختلف کورونا متاثرہ 1256 مریضوں کی حالت تشویشناک بتائی جارہی ہے،اس وقت کوویڈ-19 کے %90 مریض وینٹی لیٹرز پر ہیں جبکہ آج مزید 26 مریض انتقال کرگئے ہیں، اموات کی مجموعی تعداد 6439 ہوگئی ہے

وزیراعلیٰ سندھ سید مراد علی شاہ کا مزید کہنا تھا کہ  صوبے میں اب تک 412148 کیسز رپورٹ ہوئے ہیں جبکہ آج عالمی وبا کے مزید 425 مریض صحتیاب ہوگئے ہیں، اب تک 358060 کورونا کے مریض صحتیاب ہوچکے ہیں۔