شاہی خاندان سے علیحدگی اختیار کرنے والے شہزادہ ہیری کی اہلیہ میگھن مارکل نے گزشتہ روز 4 اگست کو اپنی 40ویں سالگرہ منائی،  میگھن مارکل نے اس موقع پر شاہی خاندان کے افراد اور کئی نامور شخصیات کی جانب سے مبارکبادیں بھی وصول کی ہیں۔

غیر ملکی خبر رساں ادارے کے مطابق شاہی خاندان کے لئے 4 اگست کا دن ایک طویل عرصے سے بہت خاص دن رہا ہے کیونکہ یہ دن ملکہ برطانیہ کی والدہ الزبتھ بوزلیون کا بھی پیدائش کا دن ہے جو کہ  4 اگست 1900ء کو پیدا ہوئی تھیں۔

شاہی خاندان کے افراد نے میگھن مارکل کو سالگرہ کی مبارکباد دینے کے لئے اپنے سوشل میڈیا اکاؤنٹس پر خصوصی پوسٹس شیئر کیں۔

شاہی خاندان کے آفیشل ٹوئٹر اکاؤنٹ پر سسیکس رائلز کی فیملی فوٹوز شیئر کرتے ہوئے ڈچز آف سسیکس میگھن مارکل کو سالگرہ کی مبارکباد دی گئی۔

Advertisement

🎈 Wishing The Duchess of Sussex a very Happy Birthday today! pic.twitter.com/xvrRH4sEwX

— The Royal Family (@RoyalFamily) August 4, 2021

آفیشل ٹوئٹر اکاؤنٹ کی جانب سے لکھا گیا کہ ڈچز آف سسیکس کو سالگرہ کی بہت مبارکباد دیتے ہیں۔

اس کے علاوہ شہزادہ ولیم اور کیٹ مڈلٹن، شہزادہ چارلس اور ڈچز کیملا کی جانب سے بھی میگھن مارکل کو سالگرہ کی مبارکباد دی گئی۔

شہزادہ چارلس نے اپنی نانی الزبتھ بوزلیون کے لئے بھی ان کی سالگرہ کے موقع پر اپنے ٹوئٹر پر خصوصی پوسٹ شیئر کی  ۔

On this day in 1900, Her Majesty Queen Elizabeth The Queen Mother was born.

The Queen Mother, The Prince of Wales’s Grandmother, lived at Clarence House for nearly 50 years.

📷 This silver vase was given to The Queen Mother as a gift on her 100th birthday. pic.twitter.com/LPIYkWaQnp

— Clarence House (@ClarenceHouse) August 4, 2021

خیال رہے کہ ملکہ برطانیہ کی والدہ اور شہزادہ چارلس کی نانی الزبتھ بوزلیون مارچ 2002ء میں 102 سال کی عمر میں انتقال کر گئیں تھیں۔