شوٹنگ کے دوران معروف اداکار سے گولی چل گئی؛ خاتون ڈائریکٹر ہلاک

کلثوم ہرا

22nd Oct, 2021. 10:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شوٹنگ کے دوران معروف اداکار سے گولی چل گئی؛ خاتون ڈائریکٹر ہلاک

مشہور ہالی ووڈ اداکار ایلک بالڈون سے فلم کے سیٹ پر گولی چلنے سے خاتون ہلاک اور ہدایت کار زخمی ہوگئے۔

غیر ملکی خبر رساں ادارے کے مطابق ہالی ووڈ اداکار الیک بالڈون نیو میکسیکو میں فلم کی شوٹنگ میں مصروف تھے تاہم اس دوران حادثاتی طور پر ان سے فلموں میں استعمال ہونے والی گن سے گولی چل گئی۔

اس موقع پر موجود خاتون کیمرا ویمن اور ہدایت کار زخمی ہوگئے جنہیں فوراً اسپتال منتقل کیا گیا تاہم خاتون زخموں کو تاب نہ لاتے ہوئے ہلاک ہوگئیں۔

پولیس کے مطابق خاتون کی شناخت 42 سالہ ہیلینا ہِچنس کے نام سے ہوئی ہے جبکہ فلم کے ہدایت کار جول سوزا مقامی اسپتال میں زیر علاج ہیں۔

اس واقعہ کے بعد 63 سالہ امریکی اداکار نے پولیس کو بیان ریکارڈ کروادیا ہے تاہم ابھی تک مقدمے میں کسی کو نامزد نہیں کیا گیا اور مزید تحقیقات جاری ہیں۔

واضح رہے کہ الیک بالڈون امریکی اداکار و پروڈیوسر ہونے کے ساتھ ساتھ کامیڈین بھی ہیں تاہم اس فلم میں وہ بحیثیت نہ صرف مرکزی کردار ادا کررہے ہیں بلکہ فلم کے پروڈیوسر بھی ہیں۔