ممبئی کروز شِپ منشیات کیس میں ضمانت پر رہائی کے بعد بالی ووڈ کنگ شاہ رخ خان کے بیٹے آریان خان پہلی بار منظرِ عام پر آگئے۔

بھارتی میڈیا رپورٹس کے مطابق آریان خان آج نارکوٹکس کنٹرول بیورو (این سی بی) کے سامنے پیش ہوئے جو کہ اُن کی ضمانت کی شرائط میں سے ایک شرط تھی کہ اُنہیں ہر جمعے کو این سی بی کے سامنے پیش ہونا ہے۔

آریان خان کی این سی بی آفس پیش ہونے کی ویڈیو سوشل میڈیا پر وائرل ہوگئی ہے جس میں آریان کو این سی بی کے دفتر جاتے ہوئے دیکھا جاسکتا ہے۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Viral Bhayani (@viralbhayani)

ویڈیو میں میڈیا کے نمائندے آریان خان سے بات چیت کرنے کی کوشش کررہے ہیں لیکن وہ سب کو نظر انداز کرتے ہوئے این سی بی کے دفتر میں چلے گئے۔

آریان خان کی ضمانت پر رہائی کے بعد یہ پہلا موقع ہے کہ جب وہ میڈیا کے سامنے آئے ہیں۔

یاد رہے کہ ممبئی ہائیکورٹ نے آریان کی ضمانت کے لئے 14 شرائط درج کی تھیں، آریان خان پولیس کو بتائے بغیر ممبئی نہیں چھوڑ سکتے اور انہیں ہر جمعے کو این سی بی کے سامنے پیش ہونا ہوگا۔

شرائط میں اسی طرح کی سرگرمیوں میں ملوث نہ ہونا، اپنے دوست ارباز مرچنٹ جیسے دوسرے ملزموں سے بات چیت نہ کرنا اور میڈیا سے بات نہ کرنا شامل ہے۔

اگر ان شرائط میں سے کسی کی خلاف ورزی ہوتی ہے تو این سی بی آریان خان کی ضمانت کی منسوخی کی درخواست کر سکتا ہے۔

واضح رہے کہ گزشتہ ماہ 2 اکتوبر کو این سی بی کی جانب سے ممبئی میں ایک کروز شِپ پر چھاپہ مارا گیا تھا جہاں بالی ووڈ کنگ شاہ رخ خان کے بڑے بیٹے آریان خان کو اُن کے دوستوں سمیت منشیات استعمال کرنے کے الزام میں گرفتار کیا گیا تھا۔